Alisher navoiy nomidagi toshkent davlat o‘zbek tili va adabiyoti universiteti o‘zbek tili va adabiyotini o‘qitish fakulteti

 
Asosiy tushunchalar glossariysi 
Til va jamiyat – o‘zaro ta’sir qilib, biri ikkinchisining taraqqiyotiga zamin 
yaratadigan ijtimoiy voqelik. 
Anologistlar –"narsa bilan uning nomi orasida muayyan bog‘lanish bor. Bu 
bog‘lanish narsalarning xususiyatlaridan, tabiatidan kelib chiqadi va bu bog‘lanish 
ilohiy kuch tomonidan o‘rnatilgan" degan fikr tarafdorlari. 
Anomalistlar – tilda narsa nomi bilan narsa orasida hech ganday bog‘lanish 
yo‘q, bu nomlar mazkur tilda gaplashuvchi odamlar tomonidan yaratilgan, 
demak, til Inson tomonidan yaratilgan, degan fikr tarafdorlari. 
Tovushga taqlid nazariyasi – kishilarning o‘z atrofidagi predmetlarning 
chiqargan ovoziga taqlid qilishi natijasida dastlabki so‘zlar, predmetlarning 
nomlari paydo bo‘lgan, degan qarash. 
Undovlar nazariyasi – tildagi barcha so‘zlar ibtidoiy kishilarning his-
hayajon so‘zlari ta’sirida paydo bo‘lgan, degan qarash. 
Mehnat hayqiriqlari nazariyasi – tildagi barcha so‘zlar ibtidoiy 
kishilarning birgalashib mehnat qilish jarayonida mehnat qilishga undaydigan 
ixtiyorsiz qiyqirishlari natijasida paydo bo‘lgan, degan qarash. 
Ijtimoiy kelishuv nazariyasi – narsalarni qanday atashni odamlarning 
o‘zlari kelishib olishgan, degan qarash. 
Milliy til – tillarning eng mukammal, taraqqiyot bosqichlarini o‘tgan, 
rivojlangan ko‘rinishi. 
Asosiy adabiyotlar 
1.Abduazizov A.Tilshunoslik nazariyasiga kirish.-Toshkent, 2010. -Б.63-67 
2.Borbala Richter. First steps in theoretical and applied linguistics. -Budapest, 
2006. -P.17, 89 
3.Rasulov R.Umumiy tilshunoslik. -Тoshkent, 2013.-Б.205-210. 
4.Тилшунослик назарияси ва методологияси. Тузувчи: Ҳ.Дадабоев. –
Тошкент, 2004.-Б.5-7. 
5.Хolmanova Z. Tilshunoslikka kirish.-Toshkent, 2007. -Б.5-14