Амалиёт давомида амалга ошириладиган вазифалар

4. Гуллар ва тўпгуллар тузилиши билан танишиш ҳамда турларини аниқлаш
4.1.Акация тўпгулини ўрганинг. Тўпгулда асосий ўққа гуллар гулбандалари орқали бирикканлигини, шакли жиҳатидан шингилга ўхшашлигига эътибор беринг. Шингилни расмини чизиб олинг.
4.2.Буғдойиқ тўпгулини ўрганинг. Буғдойиқ тўпгули бошоқ деб аталади. Бошоқда марказий ўққа гуллар бандсиз холатда бирикканлигига диққатингизни қаратинг. Бошоқни расмини чизиб олинг.
4.3.Маккажўхори сўтаси тузилишини ўрганинг. Сўта-тўпгул марказий ўқ қисмииннг кенгайиб серэт бўлиши билан бошоқдан фарқланади. Маккажўхўри сўтасини расмини чизиб олинг.
4.4.Пиёзнинг соябон шаклидаги тўпгулини ўрганинг. Соябонда марказий ўқ жуда қисқарган бўлиб, ундаги барча гуллар гулбанди бир хил узунликда бўлади. Пиёз соябон тўпгулининг расмини чизиб олинг.
4.5.Себарга тўпгулини ўрганинг. Себарга тўп гулида марказий ўқ қисқарган бўлиб, унда гулбандсиз гуллар тиғиз ҳолда жойлашганлигиин кўринг. Тўпгулнинг бундай шакли бошча деб аталади. Себарга тўпгулини расмини чизиб олинг
4.6. Қоқиўт тўпгулини ўрганинг. Бу ўсимликларда тўпгул саватча шаклида бўлиб, унда тўпгулнинг марказий ўқ қисми кенгайган, унинг атрофини ўрама барглар ўраб туради. Саватча расмиин чизиб олинг.
4.7. Қамиш ёки ғумайнинг рўвак шаклидаги тўпгулини ўрганинг. Тўпгулда узун асоссий ўқдан иккиламчи ўқлар чиқишиин, ўз навбатида гуллар шингилга ўхшаб жойлашганлигига эътибор беринг. Рўвак шаклини альбомга чизиб олинг.
5. Мева ва уруғ тузилиши.
5.1.Апокарп мевалардан (тузилишида бир дона мевабаргча иштирок этган) гилос ёки ўрик мевасини ўрганинг. Бу мевалар данакли мевалар группасига киради. Уларда юпқа пўстли экзокарпни, унинг тагида серэт мезокарпни ва данак деб атайдиган эндокарпни ажратинг. Эндокарп ичида эса уруғ жойлашган бўлади. Қаватларни кўрсатган ҳолда мева расмиин чизиб олинг.
5.2.Апокарп мевалардан дуккак мевасини ўрганинг. Дуккак бир мевабаргчадан ҳосил бўлган ва икки ёқлама ёрилиб очиладиган қуруқ мевадир. Дуккакда қорин ва орқа чокини топинг. Расмини чизиб олинг.
5.3.Ценокарп мевалардан (тузилишида икки ва ундан ортиқ мевабаргчалар иштирок қилган) буғдой ёки арпа донини ўрганинг. Дон бир уруғли қуруқ мева бўлиб, унда мева пўсти уруғ билан қўшилиб ўсиб кетган. Шунинг учун унда мевани уруғдан ажратиш қийин. Доннинг тузилишини ўрганиб, расмиин чизиб олинг.
5.4. Ачамбити ўсимлиги мевасини ўрганинг. У ҳам ценокарп мева бўлиб, қўзоқ деб аталади. У 2 та уруғчи қўшилишидан ҳосил бўлган бўлиб, пишганда икки палла бўлиб очилади. Қозоқ мевани расмиин чизиб олинг.
5.5.Ценокарп мевалардан махсарнинг писта мевасиин ўрганинг. Унда мева пўсти ёғочлашганлигига эътибор беринг. Мева расмини чизиб олинг.
5.6.Ценокарп меваларга заранг дарахтининг қанотчали меваси ҳам киради. Унинг тузилишини ўрганинг ва расмини чизиб оилнг.
5.7. Ценокарп мевалардан олма меваси тузилишини ўрганинг. Олма мевасини кўндалангига 2 га бўлинг. Унинг ташқи этдор қисми ва пардасимон ички қисмидан ташкил топганлигига ишонч ҳосил қилинг. Кўндаланг кесмада кўриниб турган 5 та уяча 5 та мевабаргчадан ташкил топгандир. Олма мевасининг кўндаланг кесими расмиин чизиб оилнг.
5.8. Терилган мевалардан уруғларни ажратиб олинг.Уруғини яхшилаб кўздан кечиринг. Уруғ чокини топинг. Уруғни тузилиши,шакли ва рангига эътибор қилинг. Уруғнинг расмини чизиб олинг.