Ҳасан Абулқосимов Мурод Абулқосимов Соҳибжон Топилдиев

Қўшилган қиймат солиғи бўйича: 
товарларни эркин конвертация қилинадиган валютадаги экспортига нол 
даражали ставка бўйича солиқ солинади, яъни экспорт фаолияти 
тўлиқлигича қўшилган қиймат солиғидан озод этилган. 
Акциз солиғи бўйича: 
товарларни эркин конвертация қилинадиган валютадаги экспортига 
акциз солиғи солинмайди (Ўзбекистон Республикаси Вазирлар Маҳкамари 
томонидан белгиланадиган айрим товарлардан ташқари). 
Даромад (фойда) солиғи бўйича: 
экспортчи корхоналар учун реализациянинг умумий хажмида ўзи 
ишлаб чиқарган товарлар экспортининг эркин конвертацияланадиган 
валютага экспорт қилиш улушига боғлиқ ҳолда даромадга солиқ солишнинг 
регрессив шкаласи амал қилади. 
Экспорт улуши: 
реализациянинг умумий ҳажмида 15 фоиздан 30 фоизга қадар 
бўлганида - белгиланган ставка 30 фоизга камаяди; 
реализациянинг умумий ҳажмида 30 фоиз ва ундан кўп бўлганида - 
белгиланган ставка 2 бараварга камаяди. 
Мол-мулк солиғи бўйича: 
реализациянинг умумий ҳажмида 15 фоиздан 30 фоизга қадар 
бўлганида - белгиланган ставка 30 фоизга камаяди; 
реализациянинг умумий ҳажмида 30 фоиз ва ундан кўп бўлганида - 
белгиланган ставка 2 бараварга камаяди. 

---

383 
Шунингдек, мамлакат миллий хўжалиги учун зарур бўлган товарлар билан 
ички бозор эҳтиѐжларини тўлиқроқ даражада таъминлаш мақсадида кўпгина 
импорт товарларини олиб кириш бўйича ҳам қатор енгилликлар яратилган. Бу 
борадаги енгилликларнинг хусусиятли жиҳати сифатида, таъкидлаш лозимки. 
мамлакат инвестиция фаолиятини ривожлантиришга қаратилган хориждан 
келтирилаѐтган янги техника ва технологиялар ва истеъмол учун бирламчи 
даражада зарур бўлган ун, ѐғоч ва ѐғоч материаллари каби товарларга кўпроқ 
устуворлик берилган. 
Юқорида санаб ўтилган усул ва воситалар асосида мамлакатимизда ташқи 
иқгисодий фаолият бўйича амалга оширилган чора-тадбирлар натижасида ташқи 
савдо балансида кескин ўзгаришлар содир бўлди. Республиканинг ташқи савдо 
айланмаси
2017 йил якунлари бўйича 26907,0 млн.АҚШ долларини (2016йилга 
нисбатан 111,0%ни), шу жумладан, МДҲ мамлакатлари бўйича 9737,7 млн.АҚШ 
долларини (116,1%), бошқа хорижий мамлакатлар бўйича 17169,3 млн.АҚШ 
долларини (108,4%) ташкил этди (қаранг: 18.4.2-жадвал).