Aşgabat “Ylym” neşirýaty

Gezelençleri meýilnamalaşdyrmak. Terbiýe üçin gezelen-
çleri meýilnamalaşdyrmak hökmandyr. Çagalaryň beden, akyl, ahlak 
taýdan ösmeginde gezelenjiň ähmiýeti uludyr. Çaga jemgyýetçilik 
durmuşy we tebigat bilen näçe köp gatnaşyk etse, olary şonça-da oňat 
bilýär. Açyk howada çaga köp boldugyça, onuň bedeni sagat bolýar. 
Ertirki maşklary meýilnamalaşdyrmak. Täze maşklar iki 
hepdelik üçin düzülýär. Ertirki maşklar üçin täze hereketler çaganyň 
hereketiniň ösüşi üçin hökmany sapaklarda geçirilen maşklardan 
alyn ýar.
Çagalar bilen geçiriljek özbaşdak işi meýilnamalaşdyrmak. 
Çagalar bilen geçiriljek özbaşdak ýumuşlar ertirlerine çagalaryň 
ýygna nyşygy wagtynda, gezelençde, günüň ikinji ýarymyn da meýil-
namalaşdyrylýar. Munda fiziki we akyl taýdan gowşak ösen ukypsyz 
çagalara goşmaça ýumuş tabşyrmaklyk meýilnamalaşdyrylýar. 
Ata-eneler bilen geçiriljek işi meýilnamalaşdyrmak. Terbiýe-
çi özüniň meýilnamasynda ata-eneler bilen yzygider iş alyp barmagy 
bellemelidir. Ata-eneler bilen geçiriljek işlere taýýarlyk görmek üçin 
ony özüniň gündelik meýilnamasynda meýilnamalaşdyrmalydyr. 
Terbiýeçiniň ýyllyk hasabaty. Terbiýeçi her ýylyň awgust 
aýyn da öz toparynda alnyp barylýan terbiýeçilik işleri barada hasabat 
düz meli. Ol çagalar bilen geçirilýän işleriň hasabaty esasynda düzül-
ýär. Terbiýeçi “Türkmenistanda mekdebe çenli ýaşly çagalara bilim 
we terbiýe bermegiň Milli maksatnamasynyň” talaplarynyň ýerine 

---

90
iii bap
ýetirilişini gözden geçirýär. Terbiýeçiniň ýyllyk hasabaty şu aşakdaky 
meseleleri öz içine alýar.
1. Işiň ýagdaýy. Çagalaryň düzümi. Toparyň abzallaşdyrylyşy, 
okuw-görkezme esbaplar bilen üpjünçiligi.
2. Çagalar bilen geçirilýän terbiýeçilik işleri we onuň netijesi. 
Üstünlikler, ýetmezçilikler, kynçylyklar görkezilmelidir.