Aşgabat “Ylym” neşirýaty

Ilkinji matematiki düşünjeleri öwretmek. Ilkinji matematiki 
düşünjeleri kemala getirmek bölüminde çagalara sanamagy, goşmagy 
we aýyrmagy öwretmek, ýönekeýje geometrik şekiller bilen tanyş et-
mek meýilnamalaşdyrylýar. 
Terbiýeçiniň gündelik iş meýilnamasy. Terbiýeçiniň günde-
lik iş meýilnamasy okuw maksatnamasynyň esasynda düzülýär. Ter-
biýeçi gündelik meýilnama düzmek üçin öz toparyndaky çagalar bilen 
geçirilýän hökmany sapaklaryň sanyny gowy bilmelidir. 
Gündelik meýilnamanyň mazmuny. Gündelik meýil na ma da 
işiň şu aşakdaky görnüşleri her günde meýilnamalaşdyrylýar:
1. Çagalaryň irdenki kabul edişligi. 
2. Sapaklar. 
3. Gezelençler, tebigata gözegçilik etmek, hereketli oýunlar.
4. Gündizki ukudan soňky çäreler, aýry-aýry çagalar bi len iş.
5. Ata-eneler bilen iş. 
Çagalaryň irdenki kabul edişligi. Terbiýeçi her gün çagalaryň 
irdenki ýygnanyşygyny meýilleşdirýär. Körpeleri nirede kabul et jek-
digini, ýygnanyşyk wagtynda hemme çagalaryň näme bilen meş gul-
lanjakdygyny anyk belleýär. Şonuň bilen bir wagtda terbiýeçi çagalar 
bilen özbaşdak işlemegi göz öňüne tutýar.

---

89
Mekdebe çenli ýaşly çagalary okatmak we terbiýelemek
Sapaklar. Çagalar bagynda körpeleriň hemmesi bilen sapaklar 
öňünden düzülen meýilnama boýunça gün terti binde bellenilen wagt-
da terbiýeçi tarapyndan guralýar. Hökmany sa pak lara hemme çagalar 
gatnaşýarlar. Çagalara bilim bermek we olarda topar bolup işlemek 
endiklerini ösdürmek maksady bilen hökmany sapaklar bütin ýylyň 
dowamynda çagalar bagynyň hemme toparlarynda her gün geçirilýär.
Hökmany sapaklaryň terbiýeçilik we bilim berijilik ähmiýeti 
bar, terbiýeçi çagalara maksatnama materiallaryny yzygider bermeli. 
Olara täze bilimleri we endikleri öwretmeli. 
Çagalar bilen gündelik guralýan sapaklaryň dowamlylygy kiçi 
toparda 10-15, orta toparda 15-20, uly toparda 20-25, mekdebe 
taýýarlaýyş toparynda 25-30 minutdan köp bolmaly däldir. Sapaklar 
hemişe günüň birinji ýarymynda ertirlik nahardan soň guralýar.