Asosiy texnologik jarayon va qurilmalar

Real suyuqliklarga ta’sir etuvchi kuchlar
Harakatsiz suyuqlik sirt va hajmiy kuchlar ta’siri ostida bo‘ladi.
Sirt kuchlari suyuqlikni atrof-muhitdan ajratib turuvchi yuzaga ta’sir ko‘rsatadi. Ta’sir kuchi yuza maydoniga proporsional bo‘ladi. Bunday kuchlar qatoriga bosim kuchlari va ishqalanish (qovushqoqlik) kuchlari kiradi.
Hajmiy (massaviy) kuchlar suyuqlik hajmi bo‘yicha bir xilda tarqalgan bo‘ladi. Bu kuchlarning ta’siri suyuqlik massasiga nisbatan proporsional bo‘ladi.
Og‘irlik kuchi, inersiya kuchlari va markazdan qochma kuchlar massaviy kuchlar guruhiga kiradi.
Og‘irlik kuchining G intensivligi suyuqlikni solishtirma og‘irligi (N/m³) bilan tavsiflanadi:
 = lim (G/V) = lim (mg/V) = pg.
v 0 v 0
Suyuqlikning bosim kuchlarini idish tubiga, devorlariga, unga qisman yoki to‘la cho‘ktirilgan jism sirtiga ko‘rsatadigan ta’siri gidrostatik bosim qiymati bilan belgilanadi
P_F = P/F yoki R = lim (P/F) , (2.4)
F0
bu erda F- ta’sir yuzasi, m²; P- suyuqlik sathining bosim kuchi,Pa.
Tinch holatdagi suyuqlikning har qanday nuqtasidagi bosim qiymati, barcha yo‘nalishlar bo‘yicha bir xil va hamma vaqt normal bo‘yicha yo‘nalgan bo‘ladi.
Bosimni SI sistemasidagi o‘lchov birligi Pa (yoki N/m²). Amaliyotda gidrostatik bosim kPa, MPa, texnik atmosfera (at), fizik atmosfera (atm), mm simob ustuni, metr suv ustuni va boshqa o‘lchov birliklarida ifodalanishi mumkin. Masalan, 1 atm=103300 Pa =760 mm simob ustuni=10 m suv ustuni; 1MPa=10³ kPa=10⁶ Pa.
Agar suyuqlik sirtiga ta’sir qilayotgan atmosfera bosimi R_atm hisobga olinsa, u holda absolyut (yoki to‘la) R_abs bosim
R_abs = gN + R_atm , (2.5)
bu erda gN- suyuqlikning bosimi; g=9,81 m/s²- erkin tushish tezlanishi; N- suyuqlik sathining balandligi, m.
Atmosfera bosimidan ortiqcha (yoki manometrik) bosim qiymati R_man suyuqlikdagi absolyut bosim R_abs va R_atm o‘rtasidagi ayirmaga teng