Atmosferaning tuzilishi

Motivatsiya: 
O‘qituvchi: Aziz o‘quvchilar! Ma’lumki, o‘tgan darslarimizda suv qobig‘i haqida 
ma’lumotga ega bo‘ldingiz. Keling, bugungi darsimizni suv haqidagi hikmatli so‘zlar, 
she’riy parchalar, xalq maqollaridan eshitishdan boshlasak. Marhamat, kimdan 
boshlaymiz? 
O‘quvchilarning taxminiy javobi: 
Baliqning tirikligi suv bilan, 
Dehqonning tirikligi yer bilan. 
Suv – yorug‘lik. 
Suv – zar, suvchi – zargar. 
II. O‘tgan mavzularni takrorlash. 
Guruhlar bilan „Xatosini toping“ o‘yini o‘tkaziladi va topshiriq yozilgan tarqatma 
beriladi. 
Litosfera guruhiga: 
Tabiiy chuqurlikda to‘planib qolgan suvga ko‘l deyiladi. Ko‘llarda suv 
daryolardagidek o‘zanda oqadi. Yer yuzidagi eng katta ko‘l - Kaspiy ko‘lidir. Oqmas 
ko‘llar suvi chuchuk bo‘ladi. Ko‘l suvlaridan foydalanib bo‘lmaydi. 
Gidrosfera guruhiga: 
O‘zan deb ataluvchi chuqurlikda oqayotgan suv oqimi daryo deb ataladi. Daryo 
boshlanadigan joy uning mansabi deyiladi.Qo‘shni daryolar havzalarini bir-biridan 
ajratib turadigan chegara irmoqlar deyiladi. 
Atmosfera guruhiga: 
Qor yig‘adigan va muzlik hosil bo‘ladigan balandlikning quyi chegarasi qor chizig‘i 
deyiladi. Qor chizig‘i ekvatorial o‘lkalarda dengiz sathigacha pasayadi. Dunyodagi eng 
katta orol – Grenlandiyada muzliklar yo‘q. Quruqlikda qor to‘planib, hosil bo‘lgan ko‘p 
yillik muzlar muzliklar deyiladi. Muzliklar hech qachon siljimaydi.
„Xatosini toping“ o‘yini asosida 
Litosfera guruhiga berilgan topshiriqning to‘g‘ri javobi: 
Tabiiy chuqurlikda to‘planib qolgan suvga ko‘l deyiladi. Ko‘llarda suv 
daryolardagidek o‘zanda oqmaydi. Yer yuzidagi eng katta ko‘l – Kaspiy ko‘lidir. Oqmas 
ko‘llar suvi chuchuk bo‘ladi. Ko‘l suvlaridan foydalanib bo`ladi.

---