Аудитни ҳужжатлаштириш ҳамда аудиторлик ҳисоботи ва хулосасини

Тадқиқот объекти ва предметининг белгиланиши. Тадқиқот обекти 
сифатида, республикамиз худудидаги аудиторлик фаолияти билан 
шуғулланиш ҳуқуқига эга бўлган аудиторлик ташкилотлари ҳисобланади. 
Шунингдек, ишда «Асл-молия таҳлил» аудиторлик ташкилотининг аудит 
усуллари ва аудит ҳужжатларидан фойдаланилди. 
Тадқиқот предмети бўлиб, аудиторлик ташкилотлари томонидан 
аудиторлик текширувларини ҳужжатлаштириш ҳамда аудиторлик ҳисоботи 
ва хулосасини тайёрлаш усулларини такомиллаштириш бўйича меъёрий база 
ҳисобланади. 
Тадқиқот мақсади. Тадқиқотнинг мақсади аудиторлик ташкилотлари 
томонидан аудитни ҳужжатлаштириш ҳамда аудиторлик ҳисоботи ва 
хулосасини тайёрлаш усулларини такомиллаштириш бўйича илмий таклиф 
ва амалий тавсиялар ишлаб чиқишдан иборат.
Тадқиқот вазифалари. Қўйилган мақсадга эришиш учун қуйидаги 
вазифалар белгиланди: 
- аудиторлик ҳужжатлари ва уларнинг ўзига хос томонларини ўрганиш; 
- аудиторлик ҳужжатларини расмийлаштириш бўйича услубий 
тавсиялар бериш; 
-аудитни ҳужжатлаштириш ҳамда корхона тўғрисида умумий маълумот 
олиш бўйича амалий тавсиялар ишлаб чиқиш; 
-аудит жараёнини ҳужжатлаштириш бўйича услубий тавсиялар ишлаб 
чиқиш; 
- аудит дастурининг барча бандлари бажарилганлигини текшириш 
бўйича услубий таклифлар бериш; 
- аудиторлик ҳисоботи ва хулосасини халқаро стандартларга 
мослаштириш бўйича таклифлар бериш. 
Тадқиқотнинг асосий масалалари ва фаразлари. Тадқиқот натижасида 
ишлаб чиқилган илмий таклиф ва амалий тавсиялар аудиторлик текширувлари 
жараёнида аудиторлик ҳужжатларини расмийлаштириш бўйича услубий 
тавсиялар бериш ҳамда аудиторлик ҳисоботи ва хулосасини халқаро 

---

7 
стандартларга мослаштириш бўйича услубий асос бўлиб хизмат қилиши 
мумкин. 
Тадқиқот бўйича қисқача адабиётлар таҳлили. Аудит услубиётини 
ривожлантиришда чет эл иқтисодчи олимларидан: X.Андерсон, Р. Энтони, Э. 
Аренс, Ж. Лоббек, МДҲ иқтисодчи олимларидан М.Баканов, В.Данилевский, 
В.Скобара, В.Суйц, А.Шеремет шунингдек, республикамизнинг шу соҳа 
олимларидан: К.Ахмеджанов, Р.Дусмуратов, А.Ибрагимов, Ш.Илхамов, 
А.Каримов, З.Маматов, Ҳ.Мусаев, М.Тулаходжаева, Б.Хасанов ва бошқалар 
ўзларининг муносиб ҳиссаларини қўшганлар ва қўшиб келмоқдалар. 
Иқтисодиётни модернизациялаш жараёнида аудиторлик фаолиятида 
аудиторлик текширувларини амалга оширишда аудитни ҳужжатлаштириш ва 
аудиторлик ҳисоботи ва хулосасини сифатли тайёрлаш маъсулиятли босқич 
ҳисобланади. Бу, ўз навбатида аудиторлик фаолиятининг миллий 
стандартларни халқаро стандартларга яқинлаштириш бўйича илмий ҳамда 
амалий аҳамиятга эга бўлган тадқиқотлар олиб боришни тақазо этади.