Аудиторское заключение

 
12-masala. “Fayz” korxonasi mebel ishlab chiqarish bilan shug‘ullanadi. 
Korxona 201X yilda tashkil topgan va shu yilda mebellarni qoplashga moslashgan 
uskuna sotib olgan va hisob siyosatiga muvofiq tezlashgan amortizatsiya usulidan 
foydalanadi.
Uskunani 201X yildagi sotib olish bahosi 1000000 so‘m bo‘lgan. foydali 
xizmat muddati 5 yil. Tugatish qiymati 100000 so‘m. 
1 yil 1000000-40 % 
2 yil 600000-40 % 
3 yil 360000-40% 
4 yil 216000-40% 
5 yil qoldiq-29600 
SHu yilda amortizatsiya hisoblanishi kerak edi. Lekin xarajatlarni kamaytirish 
maqsadida buxgalter yillar yig‘indisi usulini tanlagan. 

---

107 
Talab qilinadi: Yo‘l qo‘yilgan xatolik va shu xatoliklarning korxonaga 
ta’sirini aniqlang? 
13-masala. Buxgalteriya hisobini tiklab berish yuzasidan xizmat 
ko‘rsatayotgan vaqtida auditor quyidagi holatni aniqladi: 
Korxonada ishlab chiqarish uchun mo‘ljallangan asosiy vosita sotib olingan 
bo‘lib, uning qiymati QQS bilan birgalikda 13 million so‘mni tashkil etadi. 
Asosiy vositani montaj qilish uchun montaj tashkilotiga QQS bilan birga 1300 
ming so‘m to‘lagan. Asosiy vosita uchun amortizatsiya me’yori 15%. Auditordan 
asosiy vositani kirimga olish, uch oylik amortizatsiya hisoblash va 3 koeffitsent 
asosida asosiy vositaning qiymatini oshirish (qayta baholash) talab qilinadi.
Talab qilinadi: Ushbu muomalalarni amalga oshiring buxgalteriya schetlarida 
aks ettiring. Asosiy vositalarni qabul qilishda yo‘l qo‘yilishi mumkin bo‘lgan 
xatoliklarni aniqlang. 
14-masala. Korxona tomonidan joriy yilda binoning rekonstruktsiyasi uchun 
2 yil muddatga xorijiy valyutada kredit olingan. Loyiha bo‘yicha o‘tgan yilning 
dekabr oyida ishlar tugatilgan va ob’ekt ishga tushirilgan. Hisobot yilida mazkur 
shartnoma bo‘yicha bank xizmati uchun va uning foizi uchun to‘lovlarni amalga 
oshirgan. Lekin o‘tgan yillarda olingan kreditor qarzlar o‘z vaqtida to‘lab 
berilmagan. Buxgalteriya hisobida valyuta bo‘yicha kreditlar quyidagicha aks 
ettirilgan: 
Dt 2010 146000 so‘m 
Kt 5210 146000 so‘m 
(SHu jumladan, 134000 so‘m-kredit uchun foiz, 34000 so‘m – bank xizmati 
uchun)
Talab qilinadi: Korxona buxgalteri tomonidan yuqoridagi muomalalar to‘liq 
va to‘g‘ri hisobga olinganligini tekshirib, ushbu muomalalar bo‘yicha auditorlik 
dalolatnomasini tuzing. 

---

108 
15-masala. Korxonadan muddatidan avval eskirish oqibatida ikkita 
boshlang‘ich qiymati 145000 so‘mdan bo‘lgan muzlatkich hisobdan chiqarilgan. 
Muzlatkichlardan birining amortizatsiya ajratmalari 115000 so‘mni, ikkinchisiniki 
esa 110000 so‘mni tashkil qilgan. Tugatish dalolatnomasida amortizatsiya to‘liq 
hisoblanmaganligining sababi ularni ta’mirlash uchun ehtiyot qismlar yoqilg‘i deb 
ko‘rsatilgan. Muzlatkichlarni hisobdan chiqarish uchun ishchilarga demontaj uchun 
5650 so‘m ish haqi hisoblangan, 6000 so‘m metallom hamda 11000 so‘mlik ehtiyot 
qismlar korxona omboriga kirim qilingan. Korxona buxgalteri tomonidan 
muzlatkichlarni hisobdan chiqarishdan ko‘rilgan moliyaviy natijani 45000 so‘m deb
baholab, uni 9590 schetga hisobdan chiqarilgan.