|
Signal beruvchi kattaliklarni tanlash. BTOni qayta ishlanuvchi moddalarning portlashga va yong‘inga xavfliligi, zaharliligi va agressivligi (ta’sirchanligi) yuz berishi mumkin bo‘ladigan avariya va baxtsiz hodisalarga nisbatan tahlil qilgandan so‘ng signalizatsiya parametrlarini tanlashga kirishiladi.
Chegaraviy qiymatlari quyida ko‘rsatilgan oqibatlarga. olib kelishi mumkin bo‘lgan parametrlar avariyadan oldin (zarur bo‘lganda esa ehtiyotlik) signalizatsiya qilinishi kerak: portlash va yong‘in chiqqanda (masalan, texnologik apparatlarda, ishlab chiqarish xonalarida, ochiq tashqi qurilmalarning ishchi hududida portlash xavfi bo‘lgan moddalarning to‘planishi); baxtsiz hodisalar ro‘y berganda (masalan, xonada zaharli moddalar to‘planganda) avariya sodir bo‘lganda (masalan, qurilma harakatlanuvchi qismlarining eng chetki holatlarida); qurilma ishdan chiqqanda (masalan, apparatlarda bosim, katalizatorli reaktorlarda harorat); texnologik rejimning mutlaqo buzilishi (masalan, jarayonni boshlab beruvchi qo‘shimchalar sarfi, apparatdagi suyuqlik sathi); shartnomaga mos kelmaydigan va yaroqsiz mahsulot ishlab chiqarish (masalan, eng muhim rejimli parametrlar).
Do'stlaringiz bilan baham: |
