Avtotransport vositalari servisi asoslari

Nazorati savollari:
1. O’zbekiston avtoservisning paydo bo’lishi va rivojlanishining o’ziga xos xususiyatlari.
2. Avtoservis korxonalarining mamlakat hududlari bo’ylab joylashuvi.
3. O’zbekiston avtoservisi sohasidagi tashkiliy-iqtisodiy islohotlar.
4. O’zbekistonda avtomobil sanoati tashkil etilishining avtoservis rivojidagi roli.
5. Mamlakatimizda xizmat ko’rsatish bozorining vujudga kelishi.
6. Respublikamizda avtoservis xizmati hajmining xizmat ko’rsatuvchi sub’ektlar orasida
taqsimlanishi.
7. Rivojlangan davlatlar avtoservisi amaliyoti.
8. Avtoservis sohasida ilg’or chet el tajribalari.

---

9-mavzu. Avtomobil kuzovi va kabinasiga TXK va T ishlari texnologiyasi.
Reja:
1.
Avtomobillarni ifloslanishi, uning asosiy sabablari va oqibatlari.
2. Avtomobillarni tozlash-yig’ishtirish va yuvish usullari.
3. Avtomobillarni tozlash-yig’ishtirish va yuvish ishlarini mexanizatsiyalashtirish. Yuvishda ishlatilgan
suvdan qayta foydalanish.
4. Kuzov va kabinani joriy ta’mirlashda bajariladigan ishlar texnologiyasi.
5. YO’l harakati hodisasida shikastlangan kuzovlarni tiklash ishlari texnologiyasi.
6. Kuzovlarni geometric o’lchamlarini tekshirish va tiklash usullari: mexanik, lazer nuri va elektron
tizimlar.
7. Kuzovlarni bo’yashga tayorlash, bo’yash va quritish texnologiyasi.
Tayanch iboralar: avtomobil, soz, nosoz, tozalash, yuvish, sabab, oqibat, ifloslanish, texnologiya,
usul, mexanizatsiya, o’lcham, ta’mirlash, kuzov, mexanik, lazer nuri, quritish, geometrik, tiklash,
elektron, kabina, yo’l, jihoz, suv, oqova, shikastlanish, qanotlar eshik.
Avtomobillarni ifloslanishi, uning asosiy sabablari va oqibatlari.
Avtomobillardan turli maqsadlarda, turli yo’l va iqlim sharoitlarida foydalanish, ularning turli xil
ifloslanishiga olib keladi. Yuk avtomobili kuzovlarining ifloslanishi tashiladigan yuk turiga bog’liq
bo’lib, ular qum, tuproq, ko’mir, qurilish materiallari va iste’mol mollari bo’lishi mumkin. Tashqi muhit,
ya’ni harorat, yog’ingarchilik va kuzovga yopishib qolgan iflosliklar ta’sirida bo’lgan joylardagi
bo’yoqning ximik va fizik xususiyatlari o’zgarib, yuza asta sekin eskiradi. Bularni oldini olish va TXK
ishlarini sifatli bajarish maqsadida tozalash, yuvish va quritish ishlari olib boriladi.