Axmamat jumayev, surayyo sharipova

Ijtimoiy reabilitasiya — insonning ijtimoiy muhitda faoliyat yuritish qobiliyatini tiklashga qaratilgan jarayon texnologiya sifatida tibbiy, maishiy, kasbiy, shaxsiy darajadagi reabilitasiyaga qaratilgan chora-tadbirlar majmuasini ilgari suradi.

Ijtimoiy reabilitasion yordam — bolalarning ruhiy, akliy, emosional holati va sog‘ligini tiklashga qaratilgan yordam.

Ijtimoiy sog‘lik individning tashqi muhit bilan o‘zaro munosabatlarining mukammallashuvi shakli va vositalarining muayyan darajasi bo‘lib, o‘zaro munosabatlarning muvaffaqiyatli amalga oshirish imkonini beruvchi ruhiy va shaxsiy rivojlanishni anglatadi. Ijtimoiy sog‘likning aksi ijtimoiy qarovsizlik holatidir.

Ijtimoiy tajriba — turli bilim, ko‘nikma va malakalar birligi, xulq-atvor me’yorlari va stereotiplari, insonlar bilan muomala tajribasi, adaptasiya, o‘z-o‘zini anglab olish tajribalari majmuasi.

Ijtimoiy tarbiya — shaxsning muvaffaqqiyatli ijtimoiylashuvi uchun zarur bo‘lgan ijtimoiy ahamiyatga ega xislatlarni shakllantirish jarayoni.

Ijtimoiy tarbiyada yoshga ko‘ra yondashuv — inson rivojlanishiga har bir yosh guruhning xususiyatlari va imkoniyatlarini inobatga olgan holda shart-sharoit yaratib berish.

Ijtimoiy tarbiyaga individual yondashuv — tarbiya- lanuvchilarning individual xususiyatlarini ham shaxsiy, ham individ darajasida inobatga olish.

Ijtimoiy ta’lim — ta’lim oluvchilarga ijtimoiy bilimlarni hamda ularning ijtimoiylashuviga ko‘maklashuvchi ijtimoiy ko‘nikma va malakalarni yetkazish jarayoni.

Ijtimoiy ta’minot — davlat moddiy ta’minoti va ijtimoiy yordamga muhtojlarga yordam ko‘rsatish doirasida turli ijtimoiy xizmatlar ko‘rsatish tizimi.

Ijtimoiy terapiya — davlat tuzilmalari, jamoat tashkilotlari va birlashmalari, shu jumladan diniy tashkilotlarning ijtimoiy munosabatlarning muayyan bir shakllariga amaliy ta’sir qilish jarayoni.