B. G. Pürliýew, E. G. Rahmanowa, M. B. Meläýewa TÜrkmenistanyň ykdysadyýeti
§2. Dolandyryş düzüminiň döwrebaplaşdyrylmagy
Download 1.42 Mb. Pdf ko'rish
|
Pürliýew B Türkmenistanyň ykdysadyýeti-2015`Ylym
§2. Dolandyryş düzüminiň döwrebaplaşdyrylmagy
Milli ykdysadyýetiň häzirki zamandaky ösüş derejesi, onuň ge riminiň giňelmegi dolandyryş edaralarynda hojalygy guraýyş işiniň ýaýbaňlandyrylmagyny, olaryň wezipeleriniň giňelmegini, olar ta rapyndan dolandyryşyň täze usullarynyň ulanylmagyny göz öňünde tutýar. Bu möhüm oňyn meýiller ol ýa-da başga bir görnüşde ýurduň ykdysadyýetiniň ähli ýaýrawlarynda ýüze çykýar. Häzirki zaman ykdysady hadysalarynyň häsiýeti milli ykdy- sadyýetiň umumy we özboluşly ösüş meýillerini has takyk kesgitle mekden başga-da, düzümleýin ilerlemeleri toplumlaýyn seljerip görmek zerurlygyny öňe sürýär. Dolandyryşyň netijeli guramaçy lyk düzümini kesgitlemegiň usulyýet esaslarynyň işlenip düzülmegi könelişen önümçilik ülňülerini döwrebaplaşdyrmak üçin mümkin bolan serişdeleri agtarmagyň täsirli ýollaryna bolan isleg arkaly kes gitlenýär. Bu meseläniň çözgüdi milli ykdysadyýeti dolandyrmagyň rejeli görnüşleriniň gözlenmeginden hem-de onuň üýtgedilip gurul magyndan ybaratdyr. Milli ykdysadyýetiň emele gelen düzümi we dolandyryşyň däp bolup gelýän görnüşleri häzirki zaman ykdysady hadysalaryna aňry baş gabat gelmeýär, jemgyýetiň täze durmuş isleglerini kanagatlan dyrmaýar. Ykdysadyýetiň ähli düzüm birlikleriniň kadaly işlemegini üpjün etmek üçin ylmyň we tehnikanyň gazananlaryny, şonuň ýaly-da durmuş-ykdysady mehanizmdäki düzümleýin ilerlemeler babatdaky toplanan oňyn tejribäni peýdalanmak arkaly dolandyryşyň bar bolan usullarynyň we serişdeleriniň kämilleşdirilmegi zerurdyr. Dolandyryşyň düzümi diňe bir innowasion hadysalar we önümçi ligiň ugry bilen däl, eýsem, hojalygyň ölçegi, esasy serişdeler bilen abzallaşdyrylyş derejesi, kärhanalaryň ýöriteleşmesi we önümçiligiň bir ýere jemlenmegi, çig mal binýadynyň, önümçilik kuwwatynyň de rejesi, zähmet çeşmeleri bilen üpjünçilik, önümçiligi dolandyrmagyň pudaklaýyn aýratynlyklary ýaly ençeme alamatlar bilen kesgitlenýär. Bu alamatlar dolandyryşyň guramaçylyk düzümi esaslandyrylanda anyk mazmuna eýe bolýar. 184 Dolandyryşyň düzümi şu talaplary berjaý etmeklige gönükdirilip emele getirilýär: • dolandyryşyň ýörelgeler we usullar ulgamynyň durmuşa geçi rilmegi; • dolandyrylýan obýektiň her bir böleginiň dolandyryşyň täsiri bilen gurşalyp alynmagy; • dolandyryşyň netijeliliginiň dolandyryş ulgamynyň tygşytly bolmagy bilen utgaşdyrylmagy. Bularyň hemmesi häzirki zamandaky ýagdaýlary nazara alýan we bazaryň talaplaryna gabat gelýän täze düzümleýin syýasaty hem- de ony amala aşyrmagyň mehanizmini işläp düzmäge we durmuşa geçirmäge mümkinçilik berýär. Bu syýasatyň esasynda senagatyň düzüminde ýokary ylmy sygymly, bäsdeşlige ukyply, ýokary tehno logiýaly, netijeli we ekologik taýdan arassa önümçilikleri köpeltmek esasynda hakyky tehniki we tehnologik öwrülişigi amala aşyrmak üçin şertleri, köne enjamlaryň täzeleri bilen çalşylmagyny, önümçi ligiň durmuş ýaýrawynyň we sarp ediş toplumynyň ösmegine na zarlanmagyny üpjün edýän pudaklaýyn ileri tutmalary goýulmalydyr. Ýurduň durmuş-ykdysady ösüşiniň ugurlaryny beýan edýän ähli maksatnamalaýyn resminamalarda diýen ýaly milli ykdysadyýeti düzüm taýdan üýtgedip gurmak meselesiniň göni daşary ýurt maýa goýumlaryny çekmek arkaly çözülmegi göz öňünde tutulýar. Daşary ýurt maýa goýujylary üçin öňdebaryjy daşary ýurt tehnikasyny we tehnologiýalaryny, dolandyryş tejribesini milli ykdysadyýetde peýda lanmak üçin ykdysady şertler döredilýär. Daşary ýurtly hyzmatdaşla ryň bähbitleriniň goralmagy kanun tarapyndan kepillendirilendir. Düzümleýin ilerlemeleri göz öňünde tutýan maýanyň ugry, ozaly bilen, jemgyýetiň ahyrky isleglerini kanagatlandyrýan (oba senagat toplumy, ýeňil senagat we ş.m.) hem-de şolaryň kadaly işlemegine şert döredýän (ýangyç-energetika toplumy, gurluşyk materiallary se nagaty we ş.m.) pudaklara gönükdirilmelidir. Oba senagat toplumy nyň guramaçylyk düzüminiň kämilleşdirilmegi aýratyn möhüm bo lup durýar. Onuň düzüminde daýhan birleşikleri, daýhan hojalyklary, kooperatiwler, kiçi we orta hususy kärhanalar ýaly täze guramaçylyk birlikleri ýüze çykýar. 185 Bazar ulgamynyň işleýşini, bazar infrastrukturasynyň, bazar gat naşyklaryna esaslanýan täze hojalyk gatnaşyklarynyň kemala gelme gini tertipleşdirmegiň meseleleri köp üns berilmegini talap edýär. Häzirki wagtda dolandyryşyň guramaçylyk görnüşlerinde düýpli ilerlemeler bolup geçýär. Döwlet kärhanalary bilen bir hatarda, dür li konsernler, assosiasiýalar, konsorsiumlar, paýdarlar jemgyýetleri döredilýär. Dolandyryşyň täze guramaçylyk görnüşleriniň berkarar bolmagynda eýeçiligiň köp dürli görnüşleriniň mümkinçiliklerini peýdalanmaklyk uly ähmiýete eýe bolýar. Hut şunda hem bazar me hanizminiň ähli bölekleriniň jebis özara baglanyşygy ýüze çykýar. Download 1.42 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling