Baron myunxauzen sarguzashtlari

CHANA QO’SHILGAN BO’RI. 

 

Ammo  men  qish  kuni  otda  yurish  noqulayligini,  chanada  sayohat  qilish 

yaxshiroq  ekanini  tezda  payqab  qoldim.  O'zimga  yaxshigina  chana  sotib  oldim-da, 

momiqday qor ustidan g’izillatib choptirib ketdim. 

Kechga  borib  bir  o'rmonga  yetdim.  Ko'zimni  endi  uyqu  bosa  boshlagan  edi, 

birdan  otimning  jon  talvasasida  kishnaganini  eshitib  qoldim.  Orqamga  o'girilib 

qarasam, oy yorug'ida juda vahimali bir bo'riga ko'zim tushib qoldi: bo'ri og'zini katta 

ochib, chanamning orqasidan quvib kelyapti. 

Qutulishning  hech  iloji  yo'q  edi.  Men  darhol  chananing  ichiga  yotib  olib, 

qo'rqqanimdan ko'zlarimni chirt yumdim. 

Otim jon halpida chopardi. Bo'rining tishlarini g'ijirlatgani xuddi qulog'imning 

ostida eshitilardi. 

Ammo, toleyimga, bo'ri menga hech parvo qilmadi. 

U  chana  ustidan  —  to'ppa-to'g’ri  boshim  tepasidan  sapchib  o'tdi-yu,  sho'rlik 

otimga hamla qilib qoldi. 

Bir zumdayoq och bo'ri otimning orqa qismini yamlab yutib yubordi. 

Oldingi  qismi  esa,  hang-mang  bo'lib,  og'rig'iga  chidayolmay,  hamon  olg’a 

qarab chopardi. 

www.kitob.uz saytida elektron kitoblar, audio ertaklar, darsliklar mavjud

---

Bo'ri  otimni  yamlab  yutib  yubormoqda  edi.  Men  o'zimga  kelib,  qamchini 

qo'litnga oldim-da, ochko'z bo'rini savalay ketdim. 

Bo'ri uvlab yubordi va oldinga qarab talpindi. 

Otning bo'ridan omon qolgan oldingi qismi chanadan chiqib, yerga tushib qoldi, 

otning o'rniga, shotiga va ot jabdug'iga bo'ri kirib qo'shilganicha qoldi! 

Bo'ri chanadan chiqib keta olmadi: chanaga otdek qo'shilib qolgan edi. 

Men uni bor kuchim bilan savalayverdim. 

U chanani tortganicha o'qday uchib, oldinga chopgani-chopgan edi. 

Biz  shunday  tezlik  bilan  ketdikki,  ikki-uch  soat  deganda  Peterburgga  kirib 

keldik. 

Hayratda  qolgan  peterburgliklar  chanasiga  ot  o'rniga  yirtqich  bo'rini  qo'shib 

olgan bahodirni tomosha qilgani ko'chalarga to'p-to'p bo'lib chopishib chiqdilar.