Berdieva G. Qaraqalpaq tilinde feyildin` funktsional` formalari’

2. Hal feyildi oqi’ti’w usi’llari’ 
 
Qaraqalpaq tilindegi feyil so`zlerdin` ishinde kelbetlik feyil, hal feyil ha`m 
ha`reket ati’ feyili feyildin` basqa kategoriyalari’nan ma`nilik jaqtan da, 
grammatikali’q wo`zgeshelikleri jag`i’nan da aji’rali’p turadi’. Feyildin` 
funktsional` formalari’ ku`ndelikli so`ylewde de, pikir ali’si’wdi’n` jazba 
formasi’nda da jiyi paydalani’latug`i’n birlikler boli’p yesaplanadi’. Sonli’qtan, 
so`ylewde feyildin` usi’ betlik yemes formalari’n duri’s qollani’w, wolardi’ wo`z 
worni’nda paydalani’w jollari’n u`yretiw, a`hmiyetli ma`selelerdin` biri. 
Wo`ytkeni, woqi’wshi’lar bunday feyil so`zlerdi u`yreniw arqali’ feyildin` 
funktsional` formalari’n bir-birinen aji’rati’p biledi. Sonday-aq, wolardi’n` ha`r 
birinin` wo`zine ta`n wo`zgesheliklerin an`laydi’. Kelbetlik feyil, hal feyil ha`m 
atawi’sh feyillerdi jasawshi’ qosi’mtalardi’ tu`sinedi, wolardi’n` belgili bir 
ma`nilerge iye boli’p keletug`i’ni’n, qanday da bir ma`ha`ldi bildiretug`i’ni’n, 
feyildin` basqa tu`rlerinen tiykarg`i’ belgileri menen aji’rali’p turatug`i’ni’n biledi. 
Sonday-aq, wolardi’ til arqali’ qari’m-qatnas jasawdi’n` tu`rli formalari’nda 
yag`ni’y awi’zeki ha`m jazba so`ylewde wo`z worni’nda ha`m duri’s qollani’wg`a 

---

51 
ko`nlikpe aladi’, soni’n` na`tiyjesinde, wolardi’n` jazba ha`m awi’zeki til 
bayli’g`i’ ja`ne de rawajlani’p baradi’. 
Klassta mug`alim woqi’wshi’larg`a hal feyil temasi’n wo`tkende ha`r qi’yli’ 
qurallardan wo`nimli paydalani’wi’ tiyis. Da`slep taxtag`a temani’ jazi’p, 
woqi’wshi’larg`a tu`sinik beredi, bir neshe mi’sallar jazadi’. Berilgen mi’sallardan 
hal feyillerdi ani’qlaydi’ ha`m wolardi’n` ma`nilerin tu`sindirip beredi, bunda 
soraw-juwap metodi’nan paydalanadi’. Keyin ani’qlamalardi’ tu`sindirip beredi: 
Hal feyil is-ha`rekettin` hal-jag`dayi’n bildirip keledi.
Hal feyildi jasaytug`i’n arnawli’ qosi’mtalar bar. Wolar − to`mendegiler: 
1. -Ip/-ip, -p qosi’mtalari’ni’n` feyil so`zlerge jalg`ani’wi’ arqali’ jasaladi’. 
Bunda seslik ni’zamli’li’qlar saqlanadi’. Yeger feyil so`z dawi’sli’ seske pitse -p, 
dawi’sssi’z 
seslerge 
pitse 
-i’p/-ip 
qosi’mtalari’ni’n` 
qosi’latug`i’ni’n 
to`mendegidey mi’sallar menen tu`sindiredi: 
so`yle-p − so`ylep, sayla-p − saylap, woyla-p −woylap, 
ju`r-ip − ju`rip, jaz-i’p − jazi’p, ayt-i’p − ayti’p, ber-ip − berip. 
2. -A, -ye,- y qosi’mtalari’ni’n` feyil so`zlerge qosi’li’wi’ arqali’ jasaladi’. 
Bunda da seslik ni’zamli’li’qlar u`stemlik yetetug`i’ni’n tu`sindirip beredi, 
yag`ni’y yeger feyil so`z dawi’ssi’z seske pitse -a, -ye qosi’mtalari’, al yeger de 
dawi’sli’ seske pitse -y qosi’mtasi’ni’n` qosi’latug`i’ni’n to`mendegidey a`piwayi’ 
mi’sallar menen tu`sindirip beriwine boladi’: 
jaz-a − jaza (aldi’), qayt-a − qayta (berdi), bar-a − bara (berdi), tu`s-e − 
tu`se (basladi’), ter-e − tere (berdi) ha`m t.b.
3. -G`ali’/-geli, -qali’/-keli qosi’mtalari’ni’n` feyil so`zlerge qosi’li’wi’ 
arqali’ jasaladi’. Bunda da seslik ni’zamli’li’q toli’q saqlanatug`i’ni’n tu`sindiredi. 
Demek, wolardi’n` jasali’wi’n mi’naday mi’sallar menen tu`sindiriwge boladi’: 
ayt-qali’ − aytqali’, ber−geli − bergeli, ko`r-geli − ko`rgeli, tu`sin-geli − 
tu`singeli, bil-geli − bilgeli. 

---

52 
4. -G`ansha/-genshe, -qansha/-kenshe qosi’mtalari’ feyil so`zlerge 
qaraqalpaq tilinin` seslik ni’zamli’li’qlari’na boysi’ni’w tiykari’nda jasaladi’. 
Bunda da bir qansha mi’sallar menen tu`sindiriwi tiyis: 
bil-genshe − bilgenshe, bar-g`ansha − barg`ansha, ko`r-genshe − ko`rgenshe, 
tu`sin-genshe − tu`singenshe 
Berilgen mi’sallarda ga`p ishinde keltirip ja`ne de toli’qti’ri’p, tu`sindirip 
bergennen keyin mug`allim woqi’wshi’lardi’n` sabaqta wo`tilgen temag`a 
tu`singenin yamasa tu`sinbegenin ani’qlap aladi’ ha`m tu`sinbegen sorawlari’ bolsa 
juwap beredi. 
Yendi mug`allim shi’ni’g`i’wlar arqali’ jumi’s islewine boladi’. Mug`allim 
jan`a 
temani’ 
bekkemlew 
maqsetinde 
bir 
qansha 
shi’ni’g`i’wlardi’ 
woqi’wshi’larg`a isletedi. Wonda mi’naday ga`plerden paydalansa boladi’. 
1. Ba`ha`r kelip, ku`n ji’li’y basladi’.
2. Sentyabar` ayi’ baslang`ansha, balalar dem ali’sta boladi’.
3. Tapsi’rmani’ wori’nlamay keldi.
4. Qi’s kelgeli, yele qar jawmadi’ ha`m t.b. 
Yendi woqi’wshi’lar berilgen ga`plerdi di’qqat penen woqi’p shi’g`i’p, 
da`slep hal feyillerdi ani’qlap, tawi’p aladi’. Wolarg`a mug`allim hal feyillerdin` 
asti’n si’zi’p shi’g`i’wdi’ ha`m qosi’mtalari’n ayi’ri’wdi’ tapsi’radi’. Klassta 
barli’q woqi’wshi’lar bul tapsi’rmani’ isleydi. Woqi’wshi’lardi’n` wo`tilgen hal 
feyil temasi’n qalay wo`zlestirgenin 3 yamasa 4 woqi’wshi’dan sorap ani’qlaydi’. 
Solay yetip, mug`allim hal feyil boyi’nsha sorawlar arqali’ temani’ bekkemlep, u`y 
tapsi’rmasi’n beredi. 
Qaraqalpaq tilinin` metodikasi’ boyi’nsha jari’q ko`rgen miynetlerdegi 
jan`asha usi’llardi’ paydalani’p biliw bul temani’ wo`tkende de jaqsi’ na`tiyje 
beredi. 

---

53