Beruvchi yetuklik attestati oladi

 
11-mavzu: Ijtimoiy pedagogik faoliyat - pedagogika fani sohasi sifatida. (2 soat) 
Reja: 
1. Ijtimoiy pedagogika fanining paydo bo‘lishi va rivojlanishi. 
2. Ijtimoiy pedagogikaning tadqiqot ob’ekti va predmeti. 
3. Ijtimoiy pedagogikaning kategoriyalari.
4. Ijtimoiy pedagogikaning prinsiplari.
5. Shaxsni o‘zini boshqarish mexanizmlari. 
6. Ta’lim-tarbiya bola (o‘quvchi) shaxsni ijtimoiylashtirish omili sifatida. 
7. Bola (o‘quvchi) shaxsning ijtimoiy sifatlari.
8. Bola (o‘quvchi) shaxsning ijtimoylashuvi masala yuzasidan muammoli vaziyat. 
1. Ijtimoiy pedagogika fanining paydo bo‘lishi va rivojlanishi. 

---

172 
Ota-ona, murabbiylar bolaga hayotda yo‘l ko‘rsatadilar, unga jamiyat tajribasi, 
madaniyatni o‘zlashtirishga, shaxs sifatida kamol topishga, o‘z qobiliyatlari va imkoniyatlarini
ro‘yobga chiqarishga yordam beradilar. 
Pedagogika fanining tarmog‘i sanalgan ijtimoiy pedagogika atrof muhitni o‘zgartirishga,
sotsiumda insoniy tarbiyalovchi munosabatlarni yaratishga, ijtimoiy faoliyatning turli xil 
vaziyatlariga pedagogik jihatdan oqilona aralashuv mexanizmlarini topishga qarab mo‘ljal 
oladi.
Ijtimoiy pedagogika ijtimoiy hayotning barcha hodisalarini o‘z pedagogik nuqtai
nazaridan o‘rganadi va tahlil qiladi, jamiyat hayotining ishlab chiqarish, iqtisodiy, siyosiy, 
madaniy sharoitlari va boshqa xil hodisalari insonni qanday qilib o‘zgartirishi va kamol 
toptirishini tadqiq etadi. Bu ijtimoiy-pedagogik vazifalarni samarali hal qilish maqsadida
jamiyatning barcha tarbiyaviy imkoniyatlarini safarbar etish yo‘llari va shartlari haqidagi
fan.
mohiyat e’tibori bilan u insonga o‘z hayotining yaqin va uzoq kelajakka mo‘ljallangan
rejalarini belgilash va amalga oshirishda yordam berishni nazarda tutadi.
Fan sifatidagi ijtimoiy pedagogika shaxs nuqtai nazarini birinchi o‘ringa qo‘yadi, inson 
birlamchi, davlat, jamiyat va barcha tarbiya institutlari esa ikkilamchi bo‘lib, insonning kamol 
topishiga xizmat qilishi lozim, degan g‘oyadan kelib chiqadi. Ushbu metodologik qoida 
inson, oila va jamiyat o‘zaro aloqasi zamonaviy modelining asosi hisoblanadi. Ijtimoiy
pedagogika shaxsni kamol toptirish, uning qobiliyati va imkoniyatlarini ro‘yobga
chiqarishni birinchi o‘ringa qo‘yadi. Aholiga ijtimoiy yordam ko‘rsatish xizmatlari oiladagi 
vaziyatni o‘z vaqtida o‘rganish, unda mavjud muammolar va qiyinchiliklarni aniqlash,
zaruriy yordam ko‘rsatish, o‘z jismoniy va ma’naviy sog‘lig‘iga, o‘zini qurshagan muhitga
qadriyat sifatida yondashish ko‘nikmalari shakllanishida yordam berish maqsadini ko‘zlaydi.
Siyosatchilar va iqtisodchilar, pedagoglar va tibbiyot xodimlari, psixologlarning vazifasi 
sog‘lom avlodni asrash, bolalar va yoshlarning ma’naviy va jismoniy sog‘lig‘ini saqlashdan
iborat.
Bugungi kunda yosh avlodda ijtimoiy foydali faoliyatga qiziqish uyg‘otish, oiladagi
ma’naviy rishtalarni mustahkamlash juda uhimdir. Shaxsni tarbiyalash, kamol toptirish va
uning ijtimoiylashuvi vazifalarini hal qilish uchun pedagog-psixolog, qo‘shimcha ta’lim
pedagogi va ijtimoiy pedagog kabi yangi kasblar joriy etilgan.
“Ijtimoiy pedagogika” atamasini ilk bor A.Disterveg 1850 yilda o‘zining “Nemis
o‘qituvchilari uchun qo‘llanma” asarida ishlatgan, lekin bu yerda uning mazmuni ochib
berilmagan. Odatda ijtimoiy pedagogikaning yaratilishini shu nomli birinchi kitob muallifi
bo‘lgan nemis faylasufi va pedagogi Paul Natorp ismi bilan bog‘laydilar. U
pedagogikaning bosh vazifasi insonni tarbiyalash uchun ayniqsa qulay bo‘lgan ijtimoiy
sharoitlarni aniqlashdan iborat, deb hisoblagan.
Ijtimoiy pedagogika - shaxsni ijtimoiylashuvi qonuniyatlarini o‘rganish, 
jamiyatning ijtimoiy muammolarini hal qilish maqsadida ijtimoiy 
pedagogik faoliyatning samarali usullari texnologiyalarini ishlab chiqish va 
ularni qo‘llashga qaratilgan pedagogika sohasi.