Bilimlendiriw haqqínda (jańa redakciyada)

IV. Bilimlendiriw sistemasın basqarıw

25-statya. Qaraqalpaqstan Respublikası Ministrler Keńesiniń bilimlendiriw tarawındaǵı wákillikleri

Qaraqalpaqstan Respublikası Ministrler Keńesiniń bilimlendiriw tarawındaǵı wákilliklerine tómendegiler kiredi:

bilimlendiriw tarawında birden-bir mámleketlik siyasattı ámelge asırıw;
bilimlendiriw tarawında mámleketlik basqarıw uyımlarına basshılıq etiw;
bilimlendiriwdi rawajlandırıw baǵdarlamaların islep shıǵıw hám iske asırıw;
bilimlendiriw mákemelerin shólkemlestiriw, qayta shólkemlestiriw hám saplastırıw tártibin belgilew;
bilimlendiriw mákemelerin akkreditaciyadan, pedagog, ilimiy kadrlardı attestaciyadan ótkeriw tártibin belgilew;
basqa mámleketlerdiń bilimlendiriw mákemelerine Qaraqalpaqstan Respublikasınıń aymaǵında bilimlendiriw jumısı menen shuǵıllanıw huqıqın beretuǵın ruxsatnamalar beriw;

nızam aktlerine muwapıq sırt el mámleketleriniń bilimlendiriw haqqındaǵı hújjetlerin tán alıw hám bul hújjetlerdiń ekvivalent ekenligin esapqa alıw tártibin belgilew;

mámleketlik bilimlendiriw standartların tastıyıqlaw;
mámleket tárepinen tastıyıqlanǵan úlgidegi bilimi haqqındaǵı hújjetlerdi tastıyıqlaw hám olardı beriw tártibin belgilew;
mámleketlik grantlardıń muǵdarın hám bilimlendiriw mákemelerine qabıl etiw tártibin belgilew;
mámleketlik joqarı oqıw orınlarınıń rektorların tayınlaw boyınsha sáykes orınlarǵa usınıs beriw;
bilim alıwshılardı akkreditaciya etilgen bir bilimlendiriw mákemesinen basqasına ótkeriw tártibin belgilew;
nızam aktlerine muwapıq basqa da wákillikler.