16-statya. Kadrlardıń qánigeligin joqarılatıw hám olardı qayta tayarlaw
Kadrlardıń qánigeligin joqarılatıw hám qayta tayarlaw olardıń kásiplik bilimlerin, kónikplelerin tereńlestiriwdi jáne jańalawdı támiyinleydi.
Kadrlardıń mamanlıǵın arttırıw hám olardı qayta tayarlaw tártibi Qaraqalpaqstan Respublikası Ministrler Keńesi tárepinen belgilenedi.
17-statya. Mektepten tısqarı bilim beriw
Balalardıń, óspirimlerdiń jeke tártiptegi talapların qanaatlandırıw, olardıń bos waqıtın hám dem alıwın támiyinlew maqsetinde mámleketlik uyımlar, jámiyetlik birlespeler, sonday aq basqa da yuridikalıq, fizikalıq tárepler olar ushın mádeniy-estetikalıq, ilimiy, texnikalıq, sport hám basqa da baǵdarlarda mektepten tısqarı bilimlendiriwdi shólkemlestiriw múmkin.
Mektepten tısqarı bilim beriw mákemelerine balalar, óspirimler dóretiwshilik sarayları, úyleri, klubları menen orayları, balalar-óspirimlerdiń sport, kórkem-óner, muzıka mektepleri, studiyalar, málimleme-kitapxana mákemeleri, salamatlandırıw mákemeleri hám basqa mákemeler kiredi. (QR 26.12.2018-j. 225/XXIV-sanlı Nızamı tiykarında ózgerisler kirgizilgen)
Mektepten tısqarı bilimlendiriw mákemelerin shólkemlestiriw hám olardıń jumıs alıp barıw tártibi nızam aktlerinde belgilenedi.
Do'stlaringiz bilan baham: |
