V. JUWMAQLANǴAN REJELER
30-statya. Ata-analar yamasa nızamlı wákillerdiń minnetleri
Jas óspirimlerdiń ata-anaları yamasa olardıń nızamlı wákilleri balanıń nızamlı huqıqların jáne máplerin qorǵawǵa minnetli hám olardıń tárbiyası, mektepke shekemgi, ulıwma orta, orta arnawlı, kásip-texnikalıq bilim alıwı ushın juwapker boladı.
31-statya. Bilimlendiriwdi qarjılandırıw
Mámleketlik bilimlendiriw mákemelerin qarjılandırıw respublikalıq hám jergilikli byudjet qarjıları, sonday-aq byudjetten tısqarı qarjılar esabınan ámelge asırıladı.
32-statya. Bilimlendiriwdi rawajlandırıw qorları
Bilimlendiriwdi rawajlandırıw qorları nızam aktlerinde belgilengen tártipte yuridikalıq, fizikalıq táreplerdiń, sonıń ishinde sırt elli yuridikalıq hám fizikalıq táreplerdiń ıqtıyarlı tólemleri esabınan shólkemlestiriliwi múmkin.
33-statya. Xalıqaralıq birge islesiw
Bilimlendiriw mákemeleri bilimlendiriw mashqalaları boyınsha xalıqaralıq birge islesiwge qatnasadı, shet mámleketlerdiń tiyisli oqıw orınları menen tikkeley baylanıslar ornatıw, nızam aktlerinde belgilengen tártipte olar menen birliktegi oqıw orınların shólkemlestiriw huqıqına iye boladı.
34-statya. Bilimlendiriw haqqında nızam aktlerin buzǵanı ushın juwapkershilik
Bilimlendiriw haqqındaǵı nızam aktlerin buzıwda ayıplı bolǵan adamlar belgilengen tártipte juwapker boladı.
Do'stlaringiz bilan baham: |