Bilimlendiriw haqqínda (jańa redakciyada)
-statya. Semyadaǵı bilim alıw hám ǵárezsiz ráwishte bilim beriw
Download 78 Kb.
|
1668b
- Bu sahifa navigatsiya:
- 19-statya. Bilimlendiriw haqqındaǵı hújjetler
|
18-statya. Semyadaǵı bilim alıw hám ǵárezsiz ráwishte bilim beriw
Mámleket semyada bilim alıwǵa hám ǵárezsiz ráwishte bilim beriwge kómeklesedi. Balalardı semyada oqıtıw hám ǵárezsiz ráwishte bilim alıwın támiyinlew tiyisli bilimlendiriw mákemeleriniń baǵdarlamaları tiykarında ámelge asırıladı. Bilim alıwshılarǵa wákillikli mámleketlik mákemeler tárepinen metodikalıq másláhát hám basqa da járdemler beriledi. 19-statya. Bilimlendiriw haqqındaǵı hújjetler Akkreditaciyalanǵan bilimlendiriw mákemeleriniń pitkeriwshilerine mámleket tárepinen tastıyıqlanǵan úlgidegi maǵlıwmat haqqında hújjet (attestat, diplom, sertifikat, gúwalıq) beriledi. Mámleket tárepinen tastıyıqlanǵan úlgidegi maǵlıwmat haqqında hújjet semyada bilim alǵan yaki ǵárezsiz túrde bilim alǵan hám akkreditaciyalanǵan bilimlendiriw mákemeleriniń tiyisli bilim beriw baǵdarlamaları boyınsha ekspert tártipte imtixanlar tapsırǵan adamlarǵa da beriledi, mámleketlik bilim beriw mákemelerinde oqıtılıwı shárt bolǵan hám dizimi Qaraqalpaqstan Respublikası Ministrler Keńesi tárepinen belgilep qoyılǵan qánigeler buǵan kirmeydi. Joqarı maǵlıwmat haqqındaǵı diplomǵa ózlestirilgen pánler dizimi, olardıń kólemleri hám pánlerge qoyılǵan bahalar jazılǵan qosımsha tigiledi. Dissertaciya jaqlaǵan adamlarǵa belgilengen tártipte filosofiya doktorı (Doctor of Philosophy (PhD) yamasa ilim doktorı (Doctor of Science (DSc) ilimiy dárejesi beriledi hám mámleket tárepinen tastıyıqlanǵan úlgidegi diplom tapsırıladı. (QR 30.09.2014-j. 229/XVI-sanlı, 18.08.2018-j. 200/XXII-sanlı Nızamları tiykarında ózgerisler kirgizilgen) Mámleketlik bilimlendiriw standartlarına sáykes kelgen jaǵdayda Qaraqalpaqstan Respublikası menen Ózbekstan Respublikası hám sırt el mámleketleriniń húkimetleri arasındaǵı eki tárepleme kelisimler tiykarında hár eki táreptiń maǵlıwmat haqqındaǵı hújjetleri belgilengen tártipte óz-ara tán alınıwı múmkin. Tiyisli basqıshtaǵı bilim alıwdı tamamlaǵan táreplerge belgilengen úlgidegi maǵlıwmatnama beriledi. Mámleket tastıyılaǵan úlgidegi maǵlıwmat haqqındaǵı hújjet náwbettegi basqıshtaǵı bilimlendiriw mákeemlerinde bilim alıwdı dawam ettiriw yaki tiyisli qánigelik boyınsha islew huqıqın beredi. Download 78 Kb. Do'stlaringiz bilan baham: 
|