13-statya. Orta arnawlı hám kásip-texnikalıq bilim beriw
Orta arnawlı hám kásip-texnikalıq bilim alıw maqsetinde hár bir adam ulıwma orta bilimi tiykarında akademiyalıq liceyde yaki kásip-texnikalıq kolledjde oqıwdıń baǵdarların ıqtıyarlı túrde tańlaw huqıqına iye.
Akademiyalıq liceyler menen kásip-texnikalıq kolledjler iyelengen kásip-óner boyınsha islew huqıqın beretuǵın hám bunday jumıstı yaki tálimdi náwbettegi basqıshta dawam etiw ushın tiykar bolatuǵın orta arnawlı, kásip-texnikalıq bilimin beredi.
Akademiyalıq licey oqıwshılarınıń intellektual qábiletlerin jedel ósiiriwdi, olardıń tereń differenciyalastırılǵan hám kásip-ónerge baǵdarlanǵan bilim alıwın támiynleytuǵın úsh jıllıq orta arnawlı oqıw ornı bolıp tabıladı.
Kásip-texnikalıq kolledji oqıwshılardıń kásip-ónerge beyimliligin, kásiplik sheberligin tereń rawajlandırıwdı, tańlanǵan kásip boyınsha bir yamasa bir neshe qánigelik alıwdı támiynleytuǵın úsh jıllıq orta kásip-texnikalıq oqıw ornı bolıp tabıladı.
Do'stlaringiz bilan baham: |
