6-statya. Bilimlendiriw mákemesiniń huqıqıy statusı
Bilimlendiriw mákemesin akkreditaciyalaw tiyisli mámleketlik uyımlar tárepinen attestaciyaǵa tiykarlanıp ámelge asırıladı.
Bilimlendiriw mákemeleri yuridikalıq tárep bolıp, nızam aktlerinde belgilengen tártipte dúziledi. Mámleketlik emes bilimlendiriw mákemeleri Qaraqalpaqstan Respublikasınıń Ministrler Keńesi belgilegen tártipte mámleketlik dizimnen ótken waqıttan baslap yuridikalıq tárep huqıqına iye boladı.
Bilimlendiriw mákemesi nızam aktlerine muwapıq islep shıǵılǵan Ustav tiykarında jumıs alıp baradı.
Bilimlendiriw mákemesi attestaciya nátiyjelerine muwapıq mámleketlik akkreditaciyadan ada etiliwi múmkin.
Bilimlendiriw mákemeleri oqıw-tárbiya komplekslerine, oqıw-ilimiy islep shıǵarıw birlespelerine hám associaciyalarına birlesiw huqıqına iye.
Bilimlendiriw mákemeleri Ustavta belgilengen wazıypalarına muwapıq tólemli bilimlendiriw xızmetlerin kórsetiw, sonday-aq isbilermenlik jumısınıń basqa da túrleri menen shuǵıllanıw huqıqına iye.
7-statya. Mámleketlik bilimlendiriw standartları
Mámleketlik bilimlendiriw standartları ulıwma orta, orta arnawlı, kásip-óner hám joqarı bilim mazmunına jáne sıpatına qoyılatuǵın tiykarǵı talaplardı belgileydi. Mámleketlik bilimlendiriw standartların orınlaw Qaraqalpaqstan Respublikasınıń barlıq bilimlendiriw mákemeleri ushın májbúriy bolıp tabıladı.
Do'stlaringiz bilan baham: |
