Bilimlendiriw haqqínda (jańa redakciyada)

4-statya. Bilim alıw huqıqı
Jınısı, tili, jası, rasası, milleti, kóz-qarasları, dinge

múnásibeti, sociallıq shıǵısı, xızmet túri, jámiyetlik jaǵdayına, jasaw ornına, №araqalpaqstan aymaǵında qansha waqıt jasaǵanlıǵına ǵárezsiz, hár bir puqaraǵa bilim alıwda teń huqıqlar kepillikleri támiyinlenedi.

Bilim alıw huqıqı:
mámleketlik hám mámleketlik emes bilimlendiriw mákemelerin rawajlandırıw;
óndiristen qol úzip hám qol úzbey bilim alıwdı shólkemlestiriw;
bilimlendiriw hám kadrlar tayarlawdıń mámleketlik baǵdarlamaları tiykarında tegin oqıtıw, sonday-aq bilimlendiriw mákemlerinde shártnama tiykarında tólew esabınan qánigelikke úyretiw;
barlıq túrdegi bilimlendiriw mákemeleriniń pitkeriwshileri keyingi basqıshtaǵı oqıw orınlarına kiriw payıtında teń huqıqlarǵa iye bolıwın belgilew;
semyada yamasa ózi ǵárezsiz túrde bilim alǵan puqaralarǵa akkerdaciyadan ótken bilimlendiriw mákemelerinde eksternat tártibinde attestaciyadan ótiw huqıqın beriw arqalı támiynlenedi.
Basqa mámleketlerdiń puqaraları Qaraqalpaqstan Respublikasında Ózbekstan Respublikasınıń xalıqaralıq shártnamalarına muwapıq tálim alıw huqıqına iye.
Respublikada jasap atırǵan puqaralıǵı bolmaǵan adamlar bilim alıwda Qaraqalpaqstan Respublikası puqaraları menen teńdey huqıqlarǵa iye.