Bilimlendiriw haqqínda (jańa redakciyada)

8-statya. Bilim beriw tili
Bilimlendiriw mákemelerinde bilim beriw tilinen paydalanıw tártibi «Mámleketlik til haqqında»ǵı Qaraqalpaqstan Respublikasınıń Nızamı menen iretlestiriledi.

1. 
   II. Bilimlendiriw sisteması hám onıń túrleri
   

9-statya. Bilimlendiriw sisteması
Qaraqalpaqstan Respublikasınıń bilimlendiriw sisteması tómendegilerdi óz ishine qamtıydı:
mámleketlik standartlarǵa muwapıq bilimlendiriw baǵdarlamaların ámelge asırıwshı mámleketlik hám mámleketlik emes bilimlendiriw mákemeleri;
bilimlendiriw sistemasınıń háreket etiwi hám rawajlanıwın támiyinlew ushın zárúr bolǵan úgit-násiyat jumısların orınlawshı ilimiy-pedagogikalıq mákemeler;
bilimlendiriw tarawındaǵı mámleketlik basqarıw uyımları, sonday aq olarǵa qaraslı kárxanalar, mákemeler hám shólkemler;
Qaraqalpaqstan Respublikasınıń bilimlendiriw sisteması birden-bir hám úzliksiz bolıp tabıladı.