10-statya. Bilimlendiriw túrleri
Qaraqalpaqstan Respublikasında bilimlendiriw jumısları tómendegishe ámelge asırıladı:
mektepke shekemgi bilim beriw;
ulıwma orta bilim beriw;
orta arnawlı, kásip-texnikalıq bilim beriw;
joqarı bilim beriw;
joqarı oqıw ornınan keyingi bilim beriw;
kadrlardıń qánigeligin arttırıw hám olardı qayta tayarlaw;
mektepten tısqarı bilim beriw.
11-statya. Mektepke shekemgi bilim beriw
Mektepke shekemgi bilim beriw balanı salamat hám jetik, mektepte oqıwǵa tayarlanǵan túrde qánigelestiriw maqsetin gózleydi.
Bilim beriw altı yaki jeti jasqa deyin semyada, balalar baqshasında hám menshik túrindegi ǵárezsiz basqa da bilimlendiriw mákemelerinde alıp barıladı.
Do'stlaringiz bilan baham: |