Bilimlendiriw haqqínda (jańa redakciyada)

26-statya. Bilimlendiriwdi basqarıw boyınsha wákilikli mámleketlik uyımlardıń huqıqları
Bilimlendiriwdi basqarıw boyınsha wákillikli mámleketlik uyımlardıń huqıqlarına tómendegiler kiredi:
bilimlendiriw tarawında birden-bir mámleketlik siyasattı ámelge asırıw;
bilimlendiriw mákemeleri jumısın baylanıstırıw hám metodikalıq máselelerde olarǵa basshılıq etiw;
mámleketlik bilimlendiriw standartları, qánigelerdiń bilim dárejesi hám kásiplik tayarlıǵına bolǵan talaplardıń orınlanıwın támiyinlew;
oqıtıwdıń aldıńǵı usılları menen jańa pedagogikalıq texnologiyalardı, bilimlendiriwdiń texnikalıq hám maǵlıwmat quralların oqıw procesine engiziw;

oqıw hám oqıw-metodikalıq ádebiyatlardı dóretiw jáne basıp shıǵarıwdı shólkemlestiriw;

bilimlendiriw mákemelerinde huquqıy bilim hám tárbiyaǵa, qánigelerdiń kásiplik tayarlıǵınıń sapasın asırıwǵa qaratılǵan is-ilajlar islep shıǵıw, korrupciyaǵa qarsı gúresiw tarawındaǵı mámleketlik siyasattıń tiykarǵı baǵdarların esapqa
alǵan halda bilimlendiriw baǵdarlamaların turaqlı jetilistirip barıw;(QR 18.08.2018-j. 200/XXII-sanlı Nızamı tiykarında ózgerisler kirgizilgen)
bilim alıwshılardıń juwmaqlawshı mámleketlik attestaciyası hám mámleketlik bilimlendiriw mákemelerinde eksternat haqqındaǵı rejelerdi tastıyıqlaw;
mámleketlik joqarı bilim ornınıń rektorın tayınlaw haqqında sáykes húkimetlik uyımǵa usınıslar kirgiziw;
pedagogikalıq xızmetkerlerdi tayarlawdı, olardıń mamanlıǵın arttırıwdı hám qayta tayarlawdı shólkemlestiriw;
nızam aktlerine muwapıq basqa da wákillikler.