Bilimlendiriw ministirligi

Kurs jumısın orınlaw tártibi
Tapsırmanı úyreniw Kurs jumısın orınlaw ushın berilgen tapsırmanı itibar menen úyreniw kerek: Joybar kósherlerin belgilewde shrift ólshemleri ólshem cifrlarınan 1,5 – 2 márte úlken bolıwı kerek. Joybar kósherlerin cifrlı hám háripli belgilew joybarda shepten ońǵa hám tómengi tárepten baslanadı. Joybar kósherleri imarat rejesinde shep hám oń tárepten belgilenedi. Joybarda koordinaciya kósherleri qarama-qarsı tárepke sáykes kelmegen hallarda kósherleri joqarı hám oń táreptende belgilenedi. Diywallarda hám peregorodkalarda tereze hám esik orınları kórsetiledi. Tereze orınların belgilew bólmeden qolay paydalanıwǵa imkaniyat jaratatuǵın bolıwı kerek. Sonıń ushında esiktiń ashılıw baǵdarı jobada jińishke sızıq penen kórsetiledi. Esiktegi qıyalıq múyeshi diywal tegisligine salıstırǵanda 30° etip qabıl etiledi.Esik orınları jartı bolıwıda múmkin. Bir imaratta 2-3 tereze túri jaqtılıqtı esapqa alǵan halda tańlanıwı hám qollanılıwı tiyis. Sırtqı esik hám terezeler imarattıń aldıńǵı tárepinde belgili tártipte jaylassa maqsetke muwapıq (simmetriyalı, ritmik h.t.b.). Esik hám tereze túrleri, ólshemleri standartlardan qabıl etiledi (1-qosımsha).Sırtqı esik hám tereze markaları diywaldıń sırtqı tárepinen jazıp qoyıladı. Diywal hám peregorodka aralıqlarındaǵı esikler markası usı aralıqlardıń ózinde belgilenedi. Diywalda qaldırılatuǵın aralıqlar qollanılatuǵın materiallar ólshemine eseli bolıwı kerek (gerbish, keramika, tas, jeńil betonlı blok h.t.b.).
Tekshe bóliminiń sheshimi esaplaw tiykarında sheshiledi, bunıń ushın qabat biyikligi hám tekshe enin biliw kerek. Bir qabatınıń biyikligi qurılıstıń ıqlım rayonına baylanıslı halda QMQ 2.08.01-94. «Turar-joy imaratlari» joybarlaw normasında belgilep qoyılǵan. Tekshe eni turaq-jay imaratları ushın tiplestirilgen bolıp, 1050, 1150 mm di quraydı. Tekshe maydanınıń eni esikleriniń qolaylı jaylasıwın esapqa alǵan halda, biraq 1,2 m den keń etip alınadı. Imarat qabatınıń biyikligi tekshe maydanshası, tekshe enin belgilep hám marsh óshemlerin belgilep (150x300 mm, qıyalıq1:2), onıń uzınlıǵı hám eni anıqlanadı. Tekshe bóliminiń eni eki tekshe eni hám olar aralıǵındaǵı qaldırılǵan 100 yamasa 200 mm qosındısınan quraladı. Teksheler sanı paǵanalar sanınan birge kem etip qabıllanadı. Tekshe bólimin joybarlaǵanımızda marshlarǵa bóliwdi imarat qırqımı menen baylanıstırıw da durıs sızılıwı kerek. Birinshi qabat joybarındaǵı cokol tekshesi tolıq kórsetilip, birinshi qabattan ekinshi qabatqa kóteriliw tekshesi bolsa qırqıp súwretlenedi. Ekinshi qabat joybarındaǵı teksheler tolıq qabattan-qabatqa shekem kóteriliw baǵdarı strelka járdeminde kórsetiledi.