Bilimlendiriw ministirligi

Kurs joybarı quramı:
Sızılmalar – sanı 3-bet A-1 formatında;.
Túsindirme xatı kólemi 20-28 bet.
Sızılmalar:
Qabatlar rejeleri (birinshi hám ekinshi qabat ushın), M1:100 masshtabta;
Imarattıń tekshe boyınsha qırqımı, M1:50, M1:100 masshtabta;
Imarattıń bas fasadı, M1:100 masshtabta;
Fundamenttiń jaylasıw sxeması, M1:100. M1:200 masshtabta;
Qabatlar aralıq hám bastırmalardıń jaylasıw sxeması, M1:200, M1:200;
Tóbe bastırması (krovlya) rejesi, 1:200, (1:500) masshtabta.
Konstruktiv birikpeler 4-5 (túyin-uzel) masshtabı M1:5, M1:10, M1:20.
Shártli belgiler:
Qurılıs konstrukciyaları hám olardıń elementleriniń shártli grafikalıq maǵlıwmatları 21.501-93 Wz.RST «Arxitektura – qurilish ishchi chizmalarini tayyorlash qoidalari»na tiykarlanıp májbúriy ámelge asırıladı.Shártli belgiler joybarlaw miynetin kemeytedi, sızılmanıń oqılıwın ańsatlastıradı.Joybarlawshı hám joybardı úyreniwshi ushın qolaylılıqlar jaratıladı, nátiyjelilik artadı.
Teoriyalıq bólim
QMQ 2.08.01-94 «Turar joy imoratlari». Turaq-jay imaratlarına qoyılǵan ulıwma talaplar, olardıń tiykarǵı elementlerine qoyılatuǵın talaplar, injenerlik úskeneleri norma hám qaǵıydaların óz ishine aladı.Ulıwma talaplarda siz sanitaria-gigienalıq talaplardı, jaqtılandırıw hám insolyaciya, qabatlar sanı, otqa shıdamlılıq dárejesi, evakuaciya jolları, biyikligi 10 qabat hám onnan artıq imaratlarǵa qoyılatuǵın qosımsha talaplar, adam jasamaytuǵın qabatlar, liftler, shıǵındılardı shıǵarıw qurılmaları haqqındaǵı maǵlıwmatlarǵa iye bolasız.Mısal ushın biziń ıqlım shárayatımızda qabatlar biyikligi poldan polǵa shekem 3 m den zıyat, poldan shiftge shekem 2,7 m den kem bolmawı tiyis.Kvartiralardıń jasaw bólmeleri, asxanlarda, uyqılaw bólmelerinde jaqtılıq túsetuǵın orınlardıń maydanı usı bólmelerdiń pol maydanınıń + qatnasınan kem bolmawı kerek.Bólmeler tábiyiy jaqtılıq penen jaqtılandırılǵanda samallatıw ushın framuga yamasa fortochka menen támiyenlengen bolıwı kerek.Teksheler barlıq qabatlarda sırtqı diywalǵa qoyılǵan terezeler arqalı jaqtılandırıladı. Balkon hám lodjiyalarǵa terezeler salıwǵa ulıwma ruxsat etilmeydi.Imaratqa kiriwdegi bólme polınıń qáddi tratuar qáddinen keminde 0,15 m biyik bolıwı kerek.Turaq-jay imaratlarınıń tiykarǵı elementlerine qoyılatuǵın talaplar tómendegilerdi óz ishine aladı:Jasaw imaratlarınıń kvartiraların olarda bir shańaraqtı jaylastırıw shártinen kelip shıqqan halda joybarlaw kerek. Kvartira quramı tómendegilerden ibarat: asxana, koridor, vanna, dush, hájetxana, jasaw hám qosımsha bólmeler, sklad, jazǵı bólmeler (balkon, lodjiya). Kvartira túri, ólshemi, bólmeler sanı 1-keste tiykarında qabıllanadı Bir yamasa eki bólmeli kvartiralarda birlestirilgen santúyinler qurılısı ruxsat etiledi. Hájetxana, vanna hám birlestirilgen santúyinlerdiń esikleri sırtqa qarap ashılıp turıwı kerek. Kvartiralarda qosımsha bólmelerdiń eni: koridor – 1,4 m, asxana – 1,9-2,3 m, kvartira ishindegi kiriw jolı – 0,9-1,1 m, hájetxana – 0,8 m den kishi bolmawı kerek. Jasaw bólmeleriniń eni – 2,4 m den kem bolmawı kerek. Injenerlik úskeneleri óz ishine suw menen támiyenlew hám kanalizaciya, ısıtıw, samallatıw hám jasalma ıqlımdı payda etiw, elektrotexnika qurılmalarına bolǵan norma hám qaǵıydalardı belgilep beredi. Kóp kvartiralı jasaw imaratına kiriwde kodlı qulıp ornatılıwı kerek. Esletpe.
1. Qosımsha miyman kútiw bólmesi joybarlaw tapsırmasına muwapıq belgilenedi:
2. 1A hám 1G zonalar sharayatında ulıwma bólmeniń maydanı 1-3 bólmeli kvartiralarda keminde 20 m2 tı, 4-6 bólmeli kvartiralarda bolsa keminda 24 m2 tı qurawı tiyis.
3. Hár bólmeni bólek ısıtıw usılı qollanılǵan jaǵdaylarda blok-kvartiralarda hámde bir shańaraq ushın ayrıqsha qurılatuǵın úylerde jámi bólmeler menen bir qatarda maydanınıń shaması 4m2 quraytuǵın hám ayrıqsha ısıtıw qazanı ornatılǵan qazanxana joybarlanadı.
Hár bir shańaraqtıń avtomoshinası ushın QMQ-93. «Shahar qurilishi». Qala hám awıllardı rejelestiriw hám qurıwǵa muwapıq garaj kózde tutılıwı shárt.Diywal múyeshlerinde boylama hám kese diywallar tutasqan jerlerine armatura torı qoyıladı. Aralıqlar ústine qoyılatuǵın tutastırǵıshlar eni diywal qalıńlıǵına teń alınadı hám diywalǵa 350 mm kirgizilip bekkemlenedi. Tereze yamasa esik ornınıń eni 1,5 m den artpasa 250 mm kirgizilip bekkemlenip qoyılsa da boladı. Aǵash hám temir-beton karnizlar ankerler arqalı jer silkiniwge qarsı belbewler menen bekkem etip baylanıwı kerek. Mayda bloklardan diywal tiklegende konstruktiv sheshimde imarat jer silkiniwin támiyenlewshi ayrım ilajlardı itibarǵa alıw kerek boladı. Peregorodkalardıń uzınlıǵı 3 m ge shekem hám biyikligi 2,7 m ge shekem qalıńlıǵı jartı gerbishke, peregorodka bunnan uzın hám biyik bolǵanda bir gerbishke teń etip óriledi. Peregorodkalardı óriwde markası 25 ten kem bolmaǵan rastvor qollanılıwı shárt. Peregorodkalar diametri 6 mm den aspaytuǵın polat armatura sımları kesilisetuǵın orınlarda bolsa polat armatura jumsaq sım menen baylanıp barıladı. Órilgen qatarlardıń vertikallıǵı hám gorizontallıǵı waqtı-waqtı menen tekserilip, diywal tuwrılanıp barıladı.