Bilimlendiriw ministirligi

Kirisiw hám tiykarǵı bólim.
Kirisiw, ádetde, wazıypanıń ulıwma kóleminiń 10% in quraydı. Usınıń sebebinen, 2000 sózden ibarat esselarda kirisiw 200 sózden ibarat bolıwı kerek. Kiriwge anıq bir úlgi joq, sebebi kóp zat siz alıp baratırǵan hám dawam etip atırǵan jumıstıń túrine baylanıslı. Lekin tómendegiler onıń ulıwma ózgesheligi:
-Kerek bolsa gilt sózler tariypining beriliwi.
-Kerek bolatuǵın informaciya.
-Bul tema haqqındaǵı basqa avtorlardıń jumıslarınan úlgi.
-Jumıstıń maqset hám wazıypaları.
-Sizdiń izertlew usılıńız.
-Siz tárepingizdan belgilenetuǵın qandayda bir-bir shegaralar.
-Jumısıńızdıń jobası.
-Oǵırı ulıwma hám uǵımsız kirisiw gáplerin qóllawdıń aldın alıw zárúrli áhmiyetke iye boladı.
Juwmaqlar
Juwmaqlaw hám perefrazalaw (mánisti basqa sózler járdeminde ańlatıw ) Ádetde esseda juwmaqlaw hám perefrazalaw birgelikte isletiledi. Juwmaqlawdıń maqseti maǵlıwmatlar kólemin jetkilikli dárejegeshe kemeytiw hám uzınnan uzaq maǵlıwmatlardı qısqa kólemge keltiriwden ibarat bolsa, perefrazalawdıń maqseti bolsa ulıwma mánisti saqlaǵan halda maǵlıwmattı túp derekdegiden ayrıqsha etip, ózgertirip jazıwdan ibarat esaplanadı. Bulardıń ekewi de kóshirmeshiliktiń aldın alıw ushın qollanıladı
Juwmaqtıń basqıshları
Siz juwmaqlawda temaǵa tiyisli eń zárúrli maǵlıwmatlardı beriwińiz yamasa temaǵa tolıqlaw toqtalıp ótiwińiz múmkin. Ádetde, juwmaqta tiykarǵı pikirlerdi qosımsha bólekten (keltirilgen mısallar hám olardıń tastıyıqlarınan ) erkin tárzde jazıwǵa itibar qaratıladı. Perefrazalaw hám juwmaqlaw ádetde birge isletiledi. Juwmaqlawdıń maqseti maǵlıwmattı proporcional kólemge keltiriw bolsa, perefrazalaw bolsa zárúrli maǵlıwmatlardı basqasha formada berip ótiwden ibarat. Mısal ushın, tómendegi gáplerge itibar beriń:
18-asirde, Fransiya hám Germaniyadan aldın, Britaniyada júz bergen industrial revolyuciya tuwrısında kóplegen tartıslar dawam etip kelip atır. Bul gapti tómendegishe perefrazalaw múmkin: Industrial revolyuciyanıń ne nátiyjesinde basqa orında emes, bálki áyne Britaniyada júz bergeni házirgi kúnge shekem tartıslı sorawlardan biri bolıp kelip atır