Bilimlendiriw ministrligi

Izertlewdiń maqseti hám wazıypaları. Jumıs dúnya tilleriniń klassifikaciyalarǵa ajıratılıwı, salıstırmalı-táriyxıy usılda izertlenip, ilimpazlardıń usınǵan klassifikaciyaların talqılap, olardıń túrlerin ayrıqsha anıqlawǵa qaratılǵan.

Izertlew nátiyjeleriniń teoriyalıq hám ámeliy áhmiyeti. Jumısta, tiykarınan, til biliminiń izertlew usıllarına ayrıqsha toqtalıp óttik. Til biliminde izertlewdiń túrli usılları bar bolıp, salıstırmalı tariyxıy, grammatikalıq, leksikalıq, fonetikalıq hám taǵı da basqa. Bul metodlar tilimizdegi bolıp atırǵan álwan túrli qubılıslardı anıqlawǵa járdem etedi. Sonlıqtan da, izertlenip atırǵan obyektti izertlewshi ózine qolaylı bolıp esaplanǵan metodlardan paydalanadı. Bul metodlar arqalı tiller klassifikaciyalanadı. Bunda kelip shıǵatuǵın juwmaq hám nátiyjeler jumısta paydalanılǵan materiallar qaraqalpaq til bilimi ushın teoriyalıq hám ámeliy áhmiyetke iye. Biz jaratqan bul kurs jumısın mektep, kolledj hám akademiyalıq licey oqıtıwshıları hám oqıwshıları teoriyalıq jaqtan da ámeliy jaqtanda paydalanıwı múmkin.