Бир фазали трансформаторнинг салт ишлаш режими Идеаллаштирилган трансформаторнинг салт ишлаши

Хақиқий трансформаторнинг салт ишлаши

Хақиқий трансформаторнинг асосий жараёнларини ўрганишда идеаллаштирилган трансформаторни ўрганишда ҳисобга олинмаган сочилиш майдонини ва пўлатдаги қувват исрофларини ҳисобга олинади. Бирламчи чулғамнинг сочилиш майдони шу чулғамда сочилиш электр юритувчи кучини индукциялайди. Салт ишлаш қувват исрофи (пўлат исрофи) трансформаторнинг тармоқдан қабул қилиб олаётган Р_о қуввати ҳисобига қопланади ва бир фазали трансформаторларда Р_о=U₁I_оа га тенг деб қабул қилинади. Бунда I_оа - салт ишлаш токининг актив ташкил этувчисини эффектив қиймати. Шундай қилиб реал трансформаторнинг салт ишлаш токи иккита ташкил этувчидан иборат:
а) асосий магнит майдонни ҳосил қилувчи, эффектив қиймати I_о га тенг бўлган магнитловчи ток; б) актив ташкил этувчи I_оа
Вектор диаграммада I_о нинг йуналиши Ф_о нинг йуналиши билан мос келади. Тўла магнитловчи носинусоидал ток нинг эффектив қийматини аниқлаш учун, синусоидал магнитловчи ток билан магнитловчи токнинг актив ташкил этувчиларини геометрик кўшамиз:

Кўпинча магнитловчи токнинг актив ташкил этувчиси I_оа салт ишлаш токи I_о нинг 10% идан ҳам кичик , яoни I_оа<0,1I_о бўлади. Шу сабабли унинг I_о нинг қийматига таъсири жуда ҳам кам (0,5% дан ҳам кичик). Салт ишлаш токининг ўзгариш эгри чизиғини олдинги мавзуларда кўриб ўтилган усул ёрдамида чизиш мумкин. Салт ишлаш токини I_о гармоник қаторга ёйиб, магнит ўзакдаги магнит оқимини магнитловчи токнинг асосий гармоникасидан  бурчакга орқада қолишини аниқлаймиз. Салт ишлаш токининг актив ташкил этувчиси I_оа нинг I_о га таoсири қиймат жиҳатдан жуда кичик бўлса ҳам токнинг шакли ва фазасида кўпроқ кўринади. Бу таoсирни текширишда фақат гистерезис қувват исрофларини ҳисобга оламиз, чунки иссиқ жуваланган пўлатларидан тайёрланган магнит ўзакларда бу қувват исрофи (f=50Гц да) Р_о нинг тахминан 85% ни ташкил этади. Гистерезис сиртмоғида индукциянинг ҳар бир қийматига гистерезис сиртмоғининг ортувчи ва пасаювчи қисмларида икки хил салт ишлаш токлари мос келади. Масалан, 10-расмдаги гистерезис баргининг ортувчи қисмида индукциянинг В₁ катталигига i₀₁ салт ишлаш токи мос келса, пасаювчи қисмидаги индукциянинг В₂ қийматига салт ишлаш токининг i₀₂ қиймати мос келади.