Бир фазали трансформаторнинг салт ишлаш режими Идеаллаштирилган трансформаторнинг салт ишлаши

11-расм. Салт ишлаш характеристикаси
Хақиқий носинусоидал салт ишлаш токининг эгри чизиғини эквивалент сину-соида i_о1 билан алмаш-тириб, бирламчи чулғамнинг электр юритувчи кучлари тенгламасини символик ша-клга келтиришимиз мумкин, чунки салт ишлаш режи-мини аниқловчи ҳамма қийматлар вақт бўйича синусоидал ўзгаради. Шу туфайли бирламчи чулғамнинг кучланишининг мувозанат тенгламасини қуйидагича ёзиш умкин:
(4-16)




12-расм. Салт ишлаш вектор диаграммаси

Электр юритувчи кучлар тенгламаси (4-16)дан фойдаланиб трансформаторнинг салт ишлаш векторлар диаг-раммасини (11--расм) қуриш мумкин.

Бунинг учун асосий магнит оқим Ф_о векторини абсцисса ўқининг мусбат йўналишида жойлаштирамиз (аслида Ф_о векторини ихтиёрий равишда йуналтириш мумкин). Электр юритувчи куч Е₁=Е₂ вектори ундан 90°га кечикади; вектори ток вектори билан фаза бўйича мос келади. Бирламчи чулғамдаги кучла-нишнинг векторини қуриш учун (4-16) га кўра тескари ишора билан олинган векторига ва векторларини қўшиш керак.
12-расмда тушуниш қулайлиги учун ва векторлари Е₁ векторига нисбатан жуда катталаштирилган масштабда келтирилган. Аслида эса ўрта ва юқори қувватли трансформаторларда кучланишнинг пасайиши:
(4-17)
бу ерда салт ишлаш режимидаги кучланиш нинг 0,5% идан ҳам кичик бўлади.

Трансформаторнинг салт ишлаш режимидаги қувват исрофлари

Трансформатор салт ишлаганда тармоқдан келаётган қувват қуйидагича сарфланади:
а) бирламчи чулғам (мис ёки алюминий) даги қувват исрофи
(4-18)
б) магнит ўзак пўлатидаги асосий исрофлар (пўлат исрофи) Р_п.а
в) салт ишлаш қўшимча исрофлари Р_қ.о
Трансформаторларнинг тармоқдан қабул қилаётган актив қувватининг ҳаммаси исрофларни қоплаш учун сарфланади. Шунинг учун
Р₀ = + Р_п.a + Р_қ.о (4-19)
Исрофларни ҳисоблаш шуни кўрсатадики, I_о ва r₁ лари нисбатан кўпроқ бўлган кичик қувватли трансформаторларда ҳам (трансформаторнинг қуввати ошган сари I_о ва r₁ ларнинг нисбий қийматлари камайиб боради) мисдаги исроф нинг қиймати Р_о нинг 2% ига ҳам бормайди. Шунинг учун ни ҳисобга олинмаса ҳам бўлади:
Р_о  Р_п.a + Р_қ.о = Р_п (4-20)
Яъни салт ишлаш қуввати Р_о асосан пўлатдаги исрофни қоплашга сарфланади деб ҳисоблаш мумкин.

Пўлатдаги асосий исрофлар

Трансформаторнинг магнит ўзагидаги исрофлар икки турга бўлиниб, гистерезис ва уюрма токларининг исрофи дейилади.
Бирлик массали (масалан 1кг массали) пўлатда гистерезис исрофи (солиштирма гистерезис исрофи) ни аниқлаш учун немис олими Чарлз Штейнмец (1865-1923) таклиф этган эмпирик боғланишдан фойдаланиш мумкин.
(4-21)
бу ерда С_r - пўлатнинг турига боғлиқ бўлган доимий; f - қайта магнитланиш даврининг тезлиги; В - индукциянинг максимал қиймати; - тажриба усули билан аниқланадиган қиймат. Магнит майдон индукциясининг қиймати В=0.8  1,6 Тл гача бўлганда легирланган пўлатлар учун =2 га тенг деб қабул қилинади.
Магнит ўзакдан ўзгарувчан магнит оқим ўтганда, оқимнинг куч чизиқларига перпендикуляр юзада, йўналиши ўнг қўл қоидаси бўйича аниқланувчи электр юритувчи кучлар ҳосил бўлади. Бу э.ю.к магнит ўзакда уюрма токларни ҳосил қилади (француз олими Жан Бернар Фуко ихтиро қилганлиги учун фуко токи номи билан ҳам аталади). Нормал электр машиналарда (Фуко микро-юриткичлари бу қаторга кирмайди) уюрма токлардан фойдаланилмайди, аксинча бу токлар, қувват исрофини вужудга келтириб, ўзакни қизишига олиб келади. Уюрма токларнинг зарарли таъсирини камайтириш учун, магнит ўзак яхлит ферромагнит пўлатлардан эмас, балки, бир-биридан махсус локлар ёки оксид қатламлари (пленкалари) билан ҳимояланган қалинлиги 0,5 мм гача бўлган махсус электротехник пўлат тунукаларидан тайёрланади.