Bitiruvchisi Jamilova Mohigul Madiyorovnaning

2.6. Fizika fanidan o`quvchilar bilimini baholash, rag`batlantirishda
“sirli baho” usulidan foydalanish
Fizika fanidan masalalr yechish darsida o`quvchilar bilimini baholash, rag`batlantirish mezonlarini har bir o`qituvchi bilishi kerak.
Butun dars davomida faol o`quvchilar berilgan barcha masalalarni to`g`ri va tez ishlab boradilar. Sust o`zlashtiruvchi o`quvchilar esa, aksincha bir-ikkita masalani to`g`ri ishlay oladilar-u, shu to`g`ri ishlangan masala uchun namunali baho olishni istaydilar.
Bu vaqtda o`qituvchi o`quvchilar bilimini baholashga qiynaladi. Chunki kam masala ishlasa-da, bu o`quvchilar ham masalani to`g`ri ishlagan bo`ladi. Quyidagi metodni qo`llash orqali bu muammoni bartaraf etish va o`quvchilarning darsga qiziqishini yanada oshirish mumkin.
O`qituvchi masala yechish darsi mavzusini e`lon qiladi. Mavzu yuzasidan
kerakli fizik kattaliklar va ularning ifodalari haqida batafsil ma`lumot beradi.
Shundan so`ng masalalar yechish boshlanadi.
1-masalaning sharti e`lon qilinadi. Masalani to`g`ri va tez ishlagan o`quvchilar daftariga o`qituvchi baho emas, balki “N” harfli belgini qo`yadi. Keyin 2-masalani ishlashga kirishadilar. Bu masala uchun “A” harfi bilan belgi qo`yiladi. 3-masala uchun “M” harfi va h.k. Shu tariqa keyingi masalalar ishlanadi.
Agar bitta o`quvchi dars davomida berilgan hamma masalalarni to`g`ri va tez ishlasa, ( bu darsda 8 ta masala ) ketma-ket ball o`rniga “namunali” so`zini hosil qiluvchi harfli belgilar qo`yib boriladi. Dars yakunida “NAMUNALI” so`zining barcha harflarini ( hech bo`lmaganda 7 tasini ) to`plagan o`quvchilarga “Fizika fanidan namunali o`quvchi” deb yozilgan rag`bat kartochkasi beriladi va “5” baho bilan baholanadi.
Dars davomida “NAMUNA” harflarini to`play olgan o`quvchilarga “Fizika
darsida yaxshi qatnashchi” kartochkasi beriladi va “4” baho bilan baholanadilar.
Dars davomida 5 tagacha masala ishlay olgan o`quvchilarga “Fizika qiziqarli fan. O`z ustingizda ishlang.” Kartochkasi beriladi va bu o`quvchilar “3” baho bilan baholanadilar.
Bu metodni qo`llash orqali quyidagi natijalarga erishish mumkin:
1. O`quvchilar sirli harflarini yig`ishga qiziqib, masalani tezroq yechishga intiladilar, o`z ishlari natijasi bilan qiziqadilar.
2. Hatto “3” baho olgan o`quvchi ham bu bahodan norozi bo`lmaydi, aksincha, nima uchun past baho olganligini tushunadi va o`z ustida ishlashni boshlaydi.