Bob. Menejer va rahbarlik uslubi

Shuni esda tutish kerak:

Rahbar aytishi mumkin	Rahbar aytishi mumkin emas
• Men o‘z fikrimni aniq va to‘la ayta olmadim.	• Siz meni tushunolmaysiz.
• Men xatoga yo‘l qo‘ydim va uni tuzataman.	• Bu mening aybim emas.
• Buni boshqacha tushuntirishga harakat qilaman.	• Yuz martalab sizga takrorlayapman.
• Asrlab yashaysanu, asrlab o‘rganar ekansan.	• Mening ish tajribam shu.
• Ehtimol, bunga biz turlicha yondashar ekanmiz.	• Siz nohaqsiz, men o‘z fikrimda qolaman.

6.5.4. Nizo va ixtiloflarni bartaraf etish madaniyati
Rahbar nizo va ixtiloflar holatida o‘zini tuta bilishi zarur.
Nizo va ixtiloflar - bu mehnat jamoalaridagi eng nohush holatlardan bo‘lib hisoblanadi. Tashkilotda rahbariyat va xodimlar o‘rtasida yuzaga keluvchi nizo “butun jamoaga” emas, balki “tanlangan” odamlargagina yomon ta’sir etishi mumkin. Adolatli va oqil rahbar bunday nizoli ixtiloflarni, nizoni bartaraf etish uchun nima qilishi kerak?
Albatta, buni bir yo‘la, keng miqyosda uddalash, bartaraf etish mumkin emas. Balki bu nizoni bartaraf etishda rahbar o‘z xulq, madaniyatiga tayanib quyidagicha harakat qilmog‘i darkor.
Dastavval:
• nizoning ta’sir qilish doirasini ajrating;
• nizoning kelib chiqishidagi sabab va bahonani aniqlang;
• nizoning kelib chiqishida xodimlarning sub’ektiv baholarini ajrating;
• nizoning qanday oqibatlarga olib kelishini baholang;
• nizoning rivojlanish dinamikasiga baho bering.