Bolalar sporti asoslari

Jismoniy sifatlarni tarbiyalash
12-15 yoshli bolalardan ko’ra, 7-11 yoshli bolalarda harakat tezligi, ayniqsa, harakat chastotasi va yugurish sur’atini oshirish uchun uni qulayroq imkoniyatlar mavjud. Bu harakatlar tezligining tabiiy o’sishi bilan bog’liqdir, 12-15 yoshda esa yugurish tezligining oshishi asosan, tezkor kuch sifatlari va mushak kuchining tezligi ko’payishi hisobiga kuzatiladi. 8-11 yoshli bolalar bilan sport mashg’ulotlarida tezlikni harakatlar chastotasi va tezligiga qaratilgan mashg’ulot vositalarini qo’llash yo’li bilan tarbiyalash maqsadga muvofiqdir. 12-15 yoshli bolalarda shug’ullanayotganlarning tezkor-kuch sifatlari va mushak kuchini oshirishga qaratilgan mashg’ulot vositalari yordamida tarbiyalaydilar.
Dastlabki sport tayyorgarlik bosqichida tezkorlikni tarbiyalashning samarali vositalari soddalashtirilgan qoidalar bo’yicha sport o’yinlar va harakatchan o’yinlar; masofaning qisqa bo’limlarida yugurish, estafetalar, sakrashlar, gimnastik va akrobatik mashqlardir. Tezlikni tarbiyalashning asosiy vazifasi kompleks uslubdir, uning mohiyati harakatchan va sport o’yinlari, o’yin mashqlari, tezlik va tezlik-kuchni rivojlantirishga qaratilgan xilma-xil mashqlarni tizimli ravishda qo’llashdan iborat. Katta mushak say’-harakatlarini talab qilmagan harakat sur’atini maksimal darajada oshirishga intilish lozim, bunda harakatlarning imkon qadar optimal amplitudasi saqlanib qolishi va bu ishda ishtirok etmayotgan mushaklar guruhi maksimal tarzda bo’shashishi lozim.
19-jadval
Kichik maktab yoshidagi bolalarning tezkor – kuch sifatini rivojlantirish uchun mashqlar

Mashqlar

Og’irlik hajmi (kg)

Bajarishlar soni