Болаларга амбулатор-поликлиника муассасаларида тиббий хизмат кўрсатишни янада такомиллаштириш чора-тадбирлари тўғрисида
420-сонли ССВ Буйруги
- Bu sahifa navigatsiya:
- Қулоқнинг ўткир инфекцияси
- Қулоқнинг сурункали инфекцияси
§ Қулоқда оғриқ ва йиринг йўқ. |
ҚУЛОҚ ИНФЕKЦИЯСИ ЙЎҚ |
|
Ø Қўшимча даво керак эмас |
Мастоидит
Боланинг қулоғи орқасида оғриқли шиш бўлса, унинг бу касаллигини МАСТОИДИТ деб таснифланг. Болани зудлик билан касалхонага юборинг. Бундай бола антибактериал препаратларни инъекция тарзида юбориб даволашга муҳтож бўлади. У жарроҳлик муолажаларига муҳтож бўлиши ҳам мумкин. Бола амбулаториядан чиқиб кетишидан аввал унга тўғри келадиган антибактериал препаратнинг биринчи дозасини беринг.
Қулоқнинг ўткир инфекцияси
Қулоқдан йиринг оқаётганини топган бўлсангиз ва бу ҳодиса 2 ҳафтадан камроқ давом этиб келаётган бўлса ёки қулоқ оғриб турган бўлса, боланинг касаллигини ҚУЛОҚНИНГ ЎТKИР ИНФЕKЦИЯСИ деб таснифланг. ҚУЛОҚНИНГ ЎТKИР ИНФЕKЦИЯСИ бор болага тўғри келадиган антибактериал препарат беринг.
Пневмонияни даволашда ишлатиладиган антибактериал воситалар қулоқ инфекцияларига сабаб бўладиган кўпчилик бактерияларга қарши наф беради. Оғриқни камайтириш (ёки иситмани тушириш) учун парацетамол беринг. Қулоқдан йиринг оқаётган бўлса, пилик қўйиб, қулоқни тозалаб қуритинг.
Қулоқнинг сурункали инфекцияси
Қулоқдан йиринг оқаётганини топган бўлиб, бу ҳодиса 2 ҳафта ва ундан кўпроқ давом этиб келаётган бўлса, боланинг касаллигини ҚУЛОҚНИНГ СУРУНКАЛИ ИНФЕKЦИЯСИ деб таснифланг.
ҚУЛОҚНИНГ СУРУНКАЛИ ИНФЕKЦИЯСИга сабаб бўладиган бактерияларнинг кўпчилиги ўткир қулоқ инфекциясини келтириб чиқарадиган бактериялардан фарқ қилади. Шу муносабат билан хинолон гуруҳи антибактериал препаратларидан камида 2 ҳафта давомида томизинг, керак бўлса болани яна текшириб кўриш учун поликлиникага юборинг.
ҚУЛОҚНИНГ СУРУНКАЛИ ИНФЕKЦИЯСИга қилинадиган энг муҳим ва самарали даво қулоқни пилик ёрдамида тозалаб, қуруқ ҳолда ушлаб туришдир. Пилик ёрдамида бола қулоғини тозалаб, қуруқ ҳолда ушлаб туришни ва хинолон гуруҳи антибактериал препаратларидан қулоққа томизишни онасига ўргатинг.
Download 0.75 Mb.
Do'stlaringiz bilan baham:
