Bolalik paytlari bir saroy ekan Saroy eshiklari dur-gavhar ekan

Qadriga yetaylik

Vaqtning qadriga yetaylik,

Vaqtida qadriga yetaylik.
Orzu boʻlsin armon boʻlmasin,
Mehr eshigin keng ochaylik.

Qadr deya nega takror jar solarman,

Qadr dunyodagi topilmas neʼmat.
Oqibat bor joyda boʻladi faqat,
Qadr bu mehr va hurmat,izzat.

Vaqtni orqaga surib boʻlmaydi,

Insonlarni esa qaytarib,
Soʻlgan daraxt qayta gullamaydi,
Parvarish qilaylik,qolmasin soʻlib!







Sabr baxtga eltar

Orzular ushalar duolar sabab,

Yaxshi kunlar kelar turibti poylab.
Muhimi yengilmaslik tabassum qilish,
Oldinga intilish umidvor bo'lish.
Shu qadar yorqin nur turibdi kutib,
Bugunga qilsak shukur keladi yetib.
Sabr bo'lsa, qanchalar go'zal,
Baxt undanda ortiqroq bo'lar.
Yaxshi kunlar kelar galma-gal,
Hali quvonchdan yig'lar bu ko'zlar!

Asragin
Meni deb hech ham tinim bilmagan,
Shuncha mehnat qilib minnat qilmagan.
Ko'nglini og'ritsamda yomon demagan,
Otamni, onamni asragin Olloh!

Kecha-yu kunduzlar nasihat qilgan,

Menga qalb tubidan mehrini bergan.
Hech kim qolmaganda yonimda turgan,
Otamni, onamni asragin Olloh!

Oq yuvib oq tarab boshim silaydi,

Eng ezgu niyatlarin menga tilaydi.
Biri quyosh biri oyga o'xshaydi
Otamni, onamni asragin Olloh!

Xizmatlarin qilay dunyo turguncha,

Yoshim ulg'ayibti vaqt o'tdi shuncha
Men hali ularni rozi qilguncha,
Otamni, onamni asragin Olloh!



Sevgi

Sevgi nima

Bu ilohiy tuyg'u
Ba'zida esa
Quvonchli qayg'u

Kimdir sevadi

Kim seviladi
Kim baxtli bo'ladi
Kim ayriladi

Yengilmay voz kechmagan

G'olib bo'ladi
Hirs, nafsga berilgan
Yolg'iz qoladi

Sevgi asli pok tuyg'u

Ezgulikka to'ladir
Sabr bilan kutilgan
Sevgi, chin muhabbatdir