Бошқаруви қарори ўзбекистон Республикасининг “Жисмоний ва юридик шахсларнинг мурожаатлари

---

“ТУРОНБАНК” АКЦИЯДОРЛИК ТИЖОРАТ БАНКИ 
БОШҚАРУВИ ҚАРОРИ
Ўзбекистон Республикасининг “Жисмоний ва юридик шахсларнинг мурожаатлари
тўғрисида”ги Қонуни талаблари ижросини таъминлаш ҳамда “Туронбанк” АТБ
тизимида 2021 йил давомида келиб тушган мурожаатлар таҳлили тўғрисида
Банк аппарати раҳбари в.б. Ш.М.Хамраев “Туронбанк” АТБ тизимида 2021 йил давомида
келиб тушган мурожаатлар таҳлили тўғрисида маълумот бериб ўтди.
Хусусан, “Туронбанк” АТБ тизимида йил бошидан жами 975 та мурожаат келиб тушган
бўлиб, шундан, Ўзбекистон Республикаси Президенти виртуал қабулхонаси орқали йил
мобайнида 641 та мурожаат, Ўзбекистон Республикаси Бош Вазирининг тадбиркорлар
мурожаатларини кўриб чиқиш виртуал қабулхонасига 128 та мурожаат, Бош Прокуратура
“Ишонч телефони”га 38 та мурожаат, Марказий банк “Ишонч телефони”орқали 9
та мурожаат, “Туронбанк” АТБ Бошқарувига 122 та ёзма мурожаат ва Ягона ишонч
телефонига 37 та мурожаат келиб тушган.
Республикамизда коронавирус пандемияси туфайли молиявий қийинчиликка дуч келган
аҳоли ва тадбиркорлик субъектларидан кредитларни қайтариш муддатини узайтириш
масаласидаги мурожаатлар сонининг кўпайганлиги, шунингдек, карантин бўйича
чекловларнинг юмшатилиши натижасида аҳоли ва тадбиркорлик субъектларининг иқтисодий
фаоллиги жадаллашиши натижасида банк хизматларига бўлган талабнинг ортганлиги
ҳисобига 2021 йил давомида келган мурожаатлар ўтган йилнинг шу даврига
нисбатан 2,4 баробарга ортганлигини кўришимиз мумкин.
“Туронбанк” АТБ тизимига келган мурожаатларнинг асосий қисми Навоий, Термиз, Гулистон,
Самарқанд, Наманган ва Зангиота филиаллари мижозлари ҳиссасига тўғри келади.
Шунингдек, ўтган йилнинг шу даврига нисбатан мурожаатлар сони Навоий филиалида 2,5
баробарга (2020 йилда 67 та – 2021 йилда 171 та), Термиз филиалида 3,7