Boshlang`ich ta`lim” yo‘nalishi 203- guruh talabasi masharibova Zuhrajonning

III.Xulosa
Kurs ishim ikkita bobdan iborat bo’lib, birinchi bobning 1-bandida badiiy asarlarning o’ziga xos xususiyatlarini ochib berishga harakat qildim. Unda Badiiy asarning tili, janriy xususiyatlari haqida so’z boradi. Shu bobning 2-bandida esa badiiy asar matnini tahlil qilish tartibi o’rganilgan. Kurs ishimning ikkinchi bobida badiiy asarlarning yosh kitobxonlar tarbiyasidagi o’rni haqida gap boradi. Ikkinchi bobning 1-bandida tarbiya turlari va uni boshlang’ich sinf o’quvchilarida tarkib toptirish usullari o’rganildi. Bu orqali o’quvchilarni tarbiyalashning usullarini puxta o’rganib chiqadim. Tarbiya turlarini yoritishda badiiy asarlarning tarbiya berishdagi ahamiyatini o’rgandim. Shu bobning 2-bandida o’quvchilarda shakllantirilishi va rivojlanishi zarur bo’lgan fazilat va qadriyatlarni, tarbiya turlarini tarkib toptirishga xizmat qiluvchi ertak va rivoyatlardan namunalar keltirdim. Kurs ishi yakunida xulosa sifatida shuni aytish mumkinki, ta’lim va tarbiya o’zaro uzviy bog’liq bo’lib, ularni ajratib bo’lmaydi. O’quvchilarga bilim berish qanchalik zarur bo’lsa tarbiya undan ham ahamiyatliroqdir. Yoshlarni barkamol avlod qilib tarbiyalashda, ulardagi ijobiy sifatlarni rivojlantirib, aksincha, bo’lganlarini yo’qotishda tarbiya turlaridan to’g’ri foydalanish usullarini o’rganib chiqish bo’lajak pedagog uchun eng birinchi masaladir. Bu masalani hal qilishda badiiy adabiyot, badiiy asarlarning o’rni beqiyos. O’quvchilarni badiiy adabiyot bilan hamohang qila olish, ularga zarur tavsiyalar berish o’qituvchining asosiy vazifalaridan biri va bugungi dolzarb masala bo’lib kelmoqda. Badiiy asarlar orqali o’quvchilarga iqtisodiy tarbiya berishni o’rganish kurs ishining asosiy vazifasidir. Iqtisodiy tarbiya o’quvchilarni tejamkorlikka o’rgatish, ularda ishbilarmonlik, tadbirkorlik sifatlarini shakllantirishdan boshlanadi. Zero bugungi kun o’quvchisi har tomonlama yetuk, dunyoqarashi keng, mustaqil fikrlay oladigan bo’lishi zarur. Buning uchun yuqorida keltirib o’tilgan ertak va rivoyatlar namunalaridan foydalanish maqsadga muvofiqdir. Masalan, “Uch o’g’il” ertagida mehnatsevarlik va tadbirkorlik insonga hamisha foyda keltirishi yoki “Tandir” rivoyatida biror imorat hatto tandirni ham qanchalik mashaqqatlar bilan barpo etilishi haqida so’z boradi.
Menga berilgan bu mavzuni o’rganish orqali badiiy asar ustida ishlash, tahlilni amalga oshirish, badiiy asar o’qishga tayyorgarlik ishlarini olib borish, badiiy matnlarni o’qitish orqali o’quvchilarga tarbiya berish, jumladan, iqtisodiy tarbiyani shakllantirish usullarini o’rgandim. Olgan bilimlarimdan kelajakda pedagoglik faoliyatimda foydalanaman.