Bugungi globallashuv davrida axborot tarqatish nihoyatda zamonaviy qiyofaga kirdi. Axborot texnologiyalarining jadal rivojlanishi jamiyat hayotini tubdan o‘zgartirib yubordi

DARSNING BORISHI

t\r	Bo’limlar	vaqti
1	Tashkiliy qism	2
2	O’tilgan mavzuni mustahkamlash 1.Kim topqir. 2.Aqliy hujim	10 4 6
3	Yangi mavzuning bayoni	30
	1.”Nilufar guli” 2.”T-chizma” 3.”Mosini top”	15 10 5
4	Darsni yakunlash va o’quvchilarni baholash	2
5	Uyga vaziffa	1

Mavzuni boshlashga hozirlik:
Informatika darsligi va plakatlar, tarqatma materiallar tayyorlab qo‘yiladi. Mavzuga mos elektron qo‘llanmalar kompyuterga yuklab ishchi holatga keltiriladi. Kompyuterlar Internetga ulanadi.
Darsda qo‘llash mumkin bo‘lgan uslub: aqliy hujum, klaster, BBB,mosini top.
Mavzuni yoritish:
O‘quvchilardan oddiy pochta hizmati haqida qanday ma’lumotlarga egaligi so‘raladi. Oddiy pochtaning foydali tomonlari va kamchiliklari aniqlanadi.
Undagi kamchiliklarning juda ko‘pini Internetning ajralmas qismi bo‘lgan elektron pochta osonlikcha hal qilib berishi haqida ma’lumot beriladi.
Elektron pochta imkoniyatlari
Elektron pochta orqali faqat matnlarni emas, balki rasm, grafik, video, tovushlardan tashkil topgan ma’lumotlarni ham jo’natish va qabul qilish imkoniyati paydo bo’ldi.
Elektron pochtaning ajoyib xususiyatlaridan biri u masofa tanlamaydi va uzoq, yaqin masofalar ham har doim yaqin masofadek tuyulaveradi.
Elektron pochta - universal aloqa vositasi. Elektron pochtaning bir xil buyruqlari orqali matn, har xil formatdagi hujjatlarni, faks, telekslarni, umuman ixtiyoriy fayllarni jo’natish va qabul qilib olish mumkinligi uning universal aloqa vositasi ekanligini bildiradi.
Elektron pochtani yetkazash tezligi. Elektron pochta jo’natilgandan so’ng bir zumda (1-2 minut ichida) uni oluvchiga yetib boradi. Bundan kurinadiki, u xatto ekspres pochta, xatto telegrammalardan ham tez kerakli manzilga yetib boradi.
Elektron pochta tez muhokama vositasi. Biror loyixani uzoqdagi o’z hamkorlaringiz bilan yoki bir guruh shaxslar bilan muhokama qilmoqchi bo’lsangiz, uni tez muhokama qilish imkoniyati mavjud.
Qog’ozsiz ishlashga o’tish. Turli idoralarga kuniga kelib tushadigan xatlar ro’yxati va unga javob berish uchun qanchadan qancha qog’oz talab qilinadi. Qog’ozlarni sotib olish va olib kelish harajatlari qancha? Buning o’rniga kelgan xatlar nusxasi va uning javoblari disklarda saqlansa, xatlarni ma’lum vaqtdan so’ng oson qidirib topishdan tashqari qancha mablag’ iqtisod etilishini sezish qiyin emas.
Elektron pochtaning asosiy afzalliklaridan biri bir vaqtning o’zida yuborilgan ma’lumotlar bir necha adreslarga jo’natilishi mumkin.
Elektron pochtani jo’natish quyidagicha amalga oshadi: jo’natilayotgan ma’lumot, dasturlar fayllar sifatida tashkil qilinadi va bu fayl yuborilayotgan elektron adresga mos provayderdagi pochta qutisiga kelib tushadi. Qabul qiluvchi kompyuter yuborilayotgan faylni qabul qilishga tayyor bo’lgandan so’ng uni qabul qila boshlaydi.