Бухгалтерия касбига қуйиладиган талаблар. Бухгалтерия ҳисоби, унинг мазмуни ва вазифалари Республикамизнинг «Бухгалтерия ҳисоби тўғрисида»

икки ойлик муддатда 2030 йилгача мақсад кўрсаткичларга эришиш
чора-тадбирлар дастурини ишлаб чиқсин ҳамда Вазирлар Маҳкамасига киритисин.
6. Молия вазирлиги масъул вазирлик ва идоралар Концепцияда белгиланган асосий ислоҳотларнинг олиб борилишини “Ўзбекистон Республикаси халқаро рейтингларда” (KPI) ягона портали орқали мониторингини олиб борилиши таъминлансин.
7. Манфаатдор вазирлик, идора ва хўжалик бирлашмалари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари концепцияда белгиланган устувор вазифа ва асосий мақсад кўрсаткичларидан келиб чиқиб, ўзлари тасарруфларидаги тармоқ ва соҳаларнинг ривожланиш стратегия ва дастурларини ишлаб чиқсин.
8. Концепцияда назарда тутилган устувор йўналишлар ва мақсад кўрсаткичларига эришиш билан бир қаторда, 2020 йил 1 апрелига қадар мамлакат давлат бошқарув, суд-ҳуқуқ, ташқи иқтисодий соҳаларини янада такомиллаштиришни назарда тутувчи қуйидагилар:
Вазирлар Маҳкамаси, Олий Суд, Бош прокуратура, манфаатдор вазирлик ва идоралар билан биргаликда Ўзбекистон Республикасини
2030 йилга қадар давлат ва жамият қурилиши тизимини такомиллаштиришнинг устувор йўналишларини;
Вазирлар Маҳкамаси, Олий Суд, Бош прокуратура, манфаатдор вазирлик ва идоралар билан биргаликда Ўзбекистон Республикасини
2030 йилга қадар қонун устуворлигини таъминлаш ва суд-ҳуқуқ тизимини янада ислоҳ қилишнинг устувор йўналишлари;
Вазирлар Маҳкамаси, Давлат хавфсизлик хизмати манфаатдор вазирлик ва идоралар билан биргаликда Ўзбекистон Республикасини 2030 йилга қадар хавфсизлик, миллатлараро тотувлик ва диний бағрикенгликни таъминлаш ҳамда ташқи сиёсат соҳасидаги устувор йўналишларни назарда тутувчи давлат дастурларини ишлаб чиқсин.
9. Вазирлар Маҳкамаси, Иқтисодиёт ва саноат вазирлиги, Бош прокуратура, Олий Суд, Марказий банк ҳамда манфаатдор вазирлик ва идоралар билан биргаликда 2020 йил декабирига қадар концепцияда белгиланган устувор йўналишларни инобатга олган ҳолда “2022-2026 йилларда Ўзбекистон Республикасини янада ривожлантиришнинг еттита устувор йўналишлари бўйича Ҳаракатлар Стратегияси” лойиҳасини ишлаб чиқсин.
10. Белгилансинки, Иқтисодиёт ва саноат вазирлигига манфаатдор вазирлик ва идоралар билан биргаликда ишлаб чиқилган концепция ва стратегияларни ҳамда Ўзбекистон Республикасининг “Стратегик режалаштириш тўғрисида” ги қонун лойиҳаларини тўғридан-тўғри Ўзбекистон Республикаси Президентига кўриб чиқиш учун киритиш ҳуқуқи берилсин.
11. Иқтисодиёт ва саноат вазирлиги, Ахборот технологиялари ва коммуникацияларини ривожлантириш вазирлиги, Давлат статистика қўмитаси, Молия вазирлиги, Инвестициялар ва ташқи савдо вазирлиги, Марказий банк, Давлат солиқ қўмитаси, Давлат божхона қўмитаси билан биргаликда уч ой муддатда иқтисодиётни қисқа, ўрта ва узоқ муддатларда кутилаётган хатарларни баҳолаш ва истиқболини прогнозлаштириш учун зарурий маълумотлар базасини ўзида мужассамлаштирган дастурий комплексни ишлаб чиқсин ва ишга туширилишини таъминласин.
12. Иқтисодиёт ва саноат вазирлигига:
Прогнозлаштириш ва макроиқтисодий тадқиқотлар институти таркибида 5 штат бирлигидан иборат республиканинг етакчи олимлари ва кўп йиллик иш тажрибасига эга мутахассисларини жалб этган ҳолда “Ўзбекистон Республикасини барқарор ривожлантиришнинг устувор йўналишларини аниқлаш” илмий гуруҳини (кейинги ўринларда-илмий гуруҳ) ташкил этсин.
Илмий гурҳининг асосий вазифаси концепцияда белгиланган устувор йўналишларни жаҳон иқтисодиёти ривожланиши талабларига ҳамда мамлакатни барқарор ривожлантириш учун туртки бўладиган омилларни инобатга олган ҳолда такомиллаштириб бориш этиб белгилансин.
Инновацион ривожланиш вазирлиги Ўзбекистон Республикасини барқарор ривожлантиришнинг устувор йўналишларини аниқлаш илмий гурҳига зарурий маблағларни давлат илмий техник дастурлари доирасида молиялаштириб борсин.
13. Ҳисоб палатаси, Вазирлар Маҳкамаси, Иқтисодиёт ва саноат вазирлиги, Прогнозлаштириш ва макроиқтисодий тадқиқотлар институти, манфаатдор вазирлик ва идоралар билан биргаликда ҳисобот йили учун кейинги йилнинг 20 январига қадар Концепцияни амалга оширилиши мониторинги ҳамда юзага келган муаммолар ва уларни ечими бўйича таклифларни 5-иловада келтирилган матрица асосида ишлаб чиққан ҳолда Миллий комиссияга тақдим этиб борсин.
Ўзбекистон Республикасини 2030 йилга қадар ижтимоий-иқтисодий комплекс ривожлантириш концепцияси
Ўзбекистон Республикасида сўнги уч йил мобайнида ижтимоий-иқтисодий соҳаларни эркинлаштиришга қаратилган қатор (валюта бозори эркинлаштирилиши, солик тизимидаги ислохотлар ва бошка) ислоҳотлар амалга оширилди ва иктисодий-ижтимоий сохада улкан таркибий узгаришлар хисобига бозор муносабатлари янада ривожланди. 
Шу билан бирга, иктисодиёт ва ижтимоий сохада халигача бир катор тизимли муаммолар сакланиб колмокда: булар, асосан, иктисодиётнинг халкаро даражадаги ракобатдошлиги пастлиги ва унинг асосан хомашё (табиий газ, олтин ва бошқалар) экспортига таянганлиги, ахоли турмуш даражаси ва сифати бошқа кўплаб мамлакатларга солиштирганда ортда колаётганлиги, иктисодиёт ва ижтимоий сохада давлат бошкаруви сифати етарли даражада эмаслиги, таълим, фан ва технологияларнинг иктисодий усишга таъсири нихоятда пастлиги.
Шунинг учун ҳам аниқ мақсад, вазифа ва устувор йўналишларни ўзида қамраб олган Ўзбекистон Республикасини 2030 йилга қадар ижтимоий-иқтисодий комплекс ривожлантириш концепциясини (кейинги ўринларда - Концепция) ишлаб чиқиш узоқ муддатда мамалакат барқарор иқтисодий ривожланишининг омили ҳисобланади.

3.Иқтисодиётни эркинлаштириш ва ривожлантиришда бухгалтерия ҳисобининг тутган ўрни.

Бозор муносабатларини ривожлантириш, корхоналарда бошқарув тизимини янги талабларга мос­лаштириш ушбу субъектларда юритилаётган бухгалтерия ҳисобига бевосита боғлиқдир. Бухгалтерия ҳисоби орқали хўжалик юритувчи субъектларда республикамизда қабул қилинаётган иқтисодий қонунлар ва улардан келиб чиқадиган вазифалар татбиқ қилиб борилади. Шундан келиб чиқиб, мазкур мақолада янги шароитда бухгалтерия ҳисобининг ролини ошириш ва такомиллаштиришга қаратилган таклиф ва тавсиялар ишлаб чиқилган.

Ўзбекистон Республикаси ривожланишини 2017-2021 йилларда янги босқичга кўтариш бўйича қабул қилинган Ҳаракатлар cтратегияси айнан ушбу масалага қаратилган. Мазкур ҳужжатга асосан макроиқтисодий барқарорлик янада ривожлантирилади, иқтисодий ўсиш суръатла­рини сақлаш кўзда тутилмоқда, корхоналарнинг экспорт салоҳияти ошади, миллий иқтисодиёт тармоқларига кўплаб инвестициялар киритилади, хўжалик юритувчи субъектлардаги мавжуд мод­дий, молиявий ва меҳнат ресурсларидан сама­рали фойдаланиш таъминланади. Ушбу чора-тадбирларнинг асосида инсон манфаатлари ва унинг фаровонлигини ошириш ётади1.
Мамлакатимизда бозор муносабатларини янада ривожлантириш турли тармоқлардаги кор­хоналарда бошқарув тизимини янги талабларга мослаштириш - ушбу субъектларда юритилаётган бухгалтерия ҳисоби тартиб қоидаларига бевосита боғлиқдир. «Бухгалтерия ҳисоби барча хўжалик операцияларни яхлит, узлуксиз, ҳужжатлар асо­сида ҳисобга олиш йўли билан бухгалтерия ахбо­ротларини йиғиш, қайд этиш ва умумлаштириш­нинг тартибга солинган тизимидан, шунингдек унинг асосида молиявий ва бошқа ҳисоботларни тузишдан иборат»2. Бухгалтерия ҳисоби кишилик жамияти ривожланиши, унинг фаолият юритиш тартиби билан бевосита боғлиқдир. Америкалик соҳа олимлари профессорлар Б. Нидлз, Х. Андер­сон ва амалиётчи-бухгалтер Д. Колдуэллларнинг фикрича: «Бухгалтерия ҳисоби хўжалик фаоли­яти билан бошқарув қарорларини қабул қилувчи кишилар ўртасида алоқа боғловчи восита бўлиб ҳисобланади»3. Бухгалтерия ҳисобининг шаклла­ниш ва ривожланиш тарихи жамият тарраққиёти, ижтимоий соҳадаги ўзгаришлар билан узвий
боғлиқ бўлган. Ғарб олимлари М.Р. Мэтьюс ва Х.Б. Перералар ўз дарсликларида ижтимоий тараққиёт ва бухгалтерия ҳисоби ўртасидаги алоқани қуйидагича асослаганлар: «... ижтимоий соҳадаги ўзгаришлар бухгалтерия ҳисоби асосий омилига айланган бўлса, ўз навбатида, ижтимоий ўзгаришлар ҳам бухгалтерия ҳисоби ривожла­ниши билан узвий боғлиқдир»4. Ўзбекистонлик соҳа олими, профессор М. Остонақуловнинг дарс­лигида ҳам жамият ҳаёти ва бухгалтерия ҳисоби ўртасидаги алоқалар ўз аксини топган: «Жамият ҳаётини асоси моддий неъматлар ишлаб чиқариш бўлгани учун ҳам кишиларнинг ижтимоий ҳаётида содир бўлаётган ҳодисаларни кузатиш, жамиятда бор бўлган меҳнат қуроллари ва меҳнат буюмла­рини, шунингдек, меҳнат жараёнларини ҳисобга олиш мақсадида ҳисобдан фойдаланилган»5. Россиялик таниқли олим, профессор В.Ф.Палий бухгалтерия ҳисобининг предметини қуйидагича таърифлайди: «... бухгалтерия ҳисобиниг предмети корхона фаолиятига маблағ сифатида киритилган капитал, унинг кўпайиши ёки камайиши билан боғлиқ жараёнлардан иборат»6. Гарвард универ­ситетининг (АҚШ) профессорлари Р.Энтони ва Дж. Рисларнинг дарслигида бухгалтерия ҳисобининг мазмуни қуйидагича ифодаланган: бухгалтерия ҳисоби – «... бу ахборотлардан фойдаланувчи­лар томонидан асосли баҳолаш ва қарорлар қабул қилиш мақсадида иқтисодий ахборотларни аниқлаш, ўлчаш ва узатиш жараёнидир»7. Бундай мисолларни кўплаб келтириш мумкин. Юқоридаги фикрларни эътиборга олган ҳолда, бухгалтерия ҳисобига қуйидагича тариф бердик: бухалтерия ҳисоби - бу корхоналар фаолиятини бошқариш ва назорат қилиш мақсадида содир бўлаётган жараёнларни доимий, узлуксиз ва ялписига куза­тиш, ўлчаш ва ахборотларни шакллантириш тизимидир. Бухгалтерия ҳисоби корхона хўжалик механизмининг таркибий қисми сифатида унинг бошқа дастаклари билан узвий боғланган бўлиб бир-бирини тўлдириб боради.
Эркин рақобат ҳукумронлик қилаётган шаро­итда бухгалтерия ҳисобининг муҳим вазифаси хўжалик юритувчи субъектларнинг иқтисодий хавфсизлигини ва молиявий барқарорлигини таъ­минлашдан иборат. Бухгалтерия ҳисоби орқали турли мулкдаги хўжалик юритувчи субъектларда республикамизда қабул қилинаётган иқтисодий қонунлар ва улардан келиб чиқадиган вазифа­лар тадбиқ қилиб борилади, уларнинг ижроси назорати таъминланади. Шунинг учун корхо­наларнинг «ҳисоб сиёсати» тармоқлар, миллий иқтисодиётнинг «ҳисоб сиёсати»га мос келиши керак.
Ижтимоий-иқтисодий соҳалар ривожла­нишини янги босқичга кўтариш, «Ҳаракатлар стратегияси»даги устувор йўналишларни амалга ошириш бухгалтерия ҳисоби олдига янгича вазифаларни қўймоқда, уни янада такомиллаш­тиришни тақозо қилмоқда. Янги шароитда, бух­галтерия ҳисобини такомиллаштириш деганда, бизнинг фикримизча унинг юритилиш шак­ллари, усуллари ва тамоилларини «Ҳаракатлар стратегияси»даги вазифалар талаблари асосида юритиш орқали корхоналарнинг иқтисодий-молиявий барқарорлигини таъминлаш тушу­нилади.
4.Корхоналарнинг иқтисодий хавфсизлиги, уни таъминлашда бухгалтерларнинг вазифалари
Тараққиётнинг ҳозирги босқичида корхоналарнинг иқтисодий хавфсизлигини таъминлаш муҳим аҳамиятга эга вазифа ҳисобланади. Негаки, иқтисодиётнинг хавфсизлиги ижтимоий-иқтисодий масалаларга доир қарорлар қабул қилиш учун асос бўлиб хизмат қилади.
Иқтисодий тизимдаги ҳар қандай ўзгариш турли хавф-хатар ва таҳдидлар намоён бўлиши билан биргаликда кечади. Шунинг учун ҳам корхонанинг иқтисодий хавфсизлигини таъминлаш жараёнида унга нисбатан бўладиган турли таҳдидлар олдини олиш масаласи ҳам юзага келади. Унга ижобий ечим топиш учун иқтисодий хавфсизликни таъминлашнинг асосий вазифаларини ўрганиб чиқиш зарур бўлади.
Корхоналарнинг иқтисодий хавфсизлиги мураккаб тоифа саналади. Шу боис у ҳозирга қадар етарли даражада чуқур таҳлил қилинмаган, иқтисодий адабиётларда айрим жиҳатлари ўрганилган бўлса-да, кенг кўламли комлекс тадқиқотлар олиб борилмаган.
Корхоналар иқтисодий хавфсизлигини таъминлашнинг асосий шартларига қуйидагилар киради:
– ташкилотнинг савдо сирларини ва манфаатларини ҳуқуқий жиҳатдан ҳимоялаш;
– маркетинг тадқиқотлари ўтказиш йўли билан зарур маълумотларни олиш;
– ташқи ва ички таҳдидларни аниқлаш, иқтисодий зиддиятларни бартараф этиш;
– хавфсизлик ташкилотлари ва уларда жойлашган объектлар;
– ноқонуний таъсирлардан келиб чиққан ҳолда моддий ва маънавий зарарни қоплаш;
– корхоналар ва жисмоний шахслар;
– хавфсизлик тизими фаолиятини назорат қилиш ва таркибий қисмларини такомиллаштириш.
Менежерлар йиллар мобайнида доимо бир нарсадан – корхоналар стратегик мақсадларга эриша олмаслигидан қаттиқ хавотирланиб келишади. Чунки бу ҳолат уларнинг иқтисодий хавфсизлигига жиддий хавф туғдиради. Устига-устак, корхоналар ўз иқтисодий хавфсизлигини таъминлаш борасида қатор муаммоларга дуч келишмоқда.
Корхонанинг иқтисодий хавфсизлигини таъминлаш учун зарур шарт-шароитлар яратишда нафақат унинг барқарор фаолият юритишига, балки молиявий-иқтисодий самарадорлигини оширишга қаратилган чора-тадбирларни ҳам кўриш лозим.
Корхоналарнинг иқтисодий хавфсизлиги мураккаб тушунчадир. У омиллар комбинациясини ўз ичига оладиган, фақат ички ҳолатга боғлиқ бўлмаган, корхонанинг ташқи атроф-муҳит таъсири ва корхонанинг иқтисодий таҳдидларга кўрадиган чора-тадбирлари мажмуи. Иқтисодиётда намайон бўладиган корпоратив хавфсизлик сифатида унинг технологик ва технологик ишлаб чиқариш, инсон салоҳиятини ошириш, тўғридан-тўғри ёки билвосита иқтисодий таҳдидларга таьсир кўрсатади. Масалан, самарасиз илмий ва саноат билан боғлиқ давлат сиёсати ёки шаклланиши ноқулай ташқи муҳит ва қобилият унинг кўпайиши учун ушбу ёндашувни белгиланишининг бир қисми сифатида намоён бўлади.
Д.Ковалев ва Т.Сухоруковлар фикрича, корхонанинг иқтисодий хавфсизлиги тадбиркорлик субъектининг ташқи муҳит салбий оқибатларидан ҳимояланиши, шунингдек, турли таҳдидларни тез бартараф этиш ёки таъсир қилмайдиган мавжуд шароитларга мослашиш қобилиятига эга бўлиши демакдир.
Л.Абалкин корхона иқтисодий хавфсизлиги унинг барқарор фаолият юритишини таъминлайдиган шартлар ва омиллар мажмуи эканлигини таъкидлайди ҳамда уни иқтисодиётнинг мустақиллиги, барқарорлиги, доимийлиги учун зарур имкониятлар натижасида янгиланиш ва ўзини ўзи ривожлантириш жараёни сифатида талқин этади. В.Белокуров корхона иқтисодий хавфсизлигининг асосий мақсади моддий, молиявий, кадрлар ва техник-технологик салоҳиятини намоён этиш ва унинг ташкилий тузилишини ўз ичига оладиган стратегик мақсад-вазифаларни ҳал қилиш эканлигини эслатади.
Бошқа тадқиқотчилар корхонанинг иқтисодий хавфсизлигини таҳдидларни бартараф этиш, корпоратив таҳдидлар олдини олиш, корхона ҳозир ва келгусида самарали ҳамда барқарор фаолият юритишини таъминлаш, шу мақсадларда ресурслар ва корпоратив ресурслардан оқилона фойдаланиш жараёни сифатида талқин этишади.
Кўриб турганингиздек, корхонанинг иқтисодий хавфсизлиги тавсифи унчалик аниқ эмас. Тадқиқотларимиз натижасига таяниб хулоса қилиш мумкинки, корхоналарнинг иқтисодий хавфсизлиги уларнинг ривожланиш йўлидаги таҳдидларни бартараф эта олиш қобилияти ва инқирозга учраш хавфидан ҳимояланиш бўйича кўрадиган барча чора-тадбирлари мажмуидир.
Корхоналарнинг иқтисодий хавфсизлигини таминлашда уларнинг хавфсизлик модели муҳим аҳамият касб этади. Тизимларнинг ўзаро таъсири ва ўзаро боғлиқлигини ўрганишда моделнинг яратилган тизимнинг мураккаблигини абстракция даражасида тушуниш мумкин. Ушбу моделда асосий натижага эришиш учун синовдан ўтказилди ва баҳоланди. Барча иқтисодий сабаблар (масалан, ички ва ташқи таҳдидлар) аниқланади ҳамда самарали равишда бартараф этилади
Маълум бир корхонанинг иқтисодий хавфсизлиги тизимини ҳисобга олиб ижтимоий-иқтисодий хусусиятларига қараб, тизимнинг объектив талаблари, корпоратив омиллар бошқарадиган тизимнинг (корхона) компоненти ҳисобланади. Корпоратив иқтисодий хавфсизликка таъсир этувчи омиллар бошқаруви тизими, анъанавий равишда ишлатиладиган бошқариш воситалари, ушбу корхона учун анъанавий бошқарув сиёсати қабул қилиш учун асос бўлиб хизмат қилади. Корхонанинг ўзига хос: корхонанинг хавфсизлик концепсиясини олиш (хавфсизликнинг бир шакли сифатида хавфсизликни таъминлаш, ҳимоя қилиш ёки хавфсизликнинг ривожланиш шакли сифатида), роли, ваколати ва хизмати ташкилий тузилмадаги иқтисодий хавфсизлик таъсир этувчи омилларда намоён бўлади.
Корхонанинг иқтисодий хавфсизлигини таъминлашда ички ва ташқи таҳдидларнинг таъсири, барқарор ҳолга келтирувчи ҳалати сабаблари асосий тижорат манфаатларини ва қонуний фаолиятни амалга оширишда намаён бўлади[9].
Шундай қилиб, ривожланиш ва интеграл қўллаб-қувватлаш тизимини жорий этиш корхоналарнинг иқтисодий хавфсизлигини, иқтисодий таҳдидларни башорат қилиш юқори хавфсизликни таъминлайди ва тезда тартибга солади. Корпоратив иқтисодий хавфсизликнинг тизим сифатида шаклланиши ва тузилиши иқтисодий хавфсизлик сифатини таъминлайдиган умумий молиявий вазиятга таъсир қилади. Маълум бир корхонанинг мавқеи муваффақиятсиз, ижобий акс эттирилганда нафақат унинг фаолияти ҳақида шунингдек, тикланишига ҳам таъсир қиладиган бутун мамлакат иқтисодиёти билан ҳам боғлиқ бўлади.
Шундай қилиб, корхонанинг иқтисодий хавфсизлигини аниқлаш рақобатбардош бозорларда унинг ривожланишга ва рақобатдошликни оширишга қодир мавқеини сақлаб туради. Бундай хавфсизликни таъминлашда турли ёндашувлар муҳим аҳамият касб этади. Шунингдек, корхона иқтисодий хавфсизлиги шартларини ҳар қандай қарама-қарши томондан акс эттиради. “Корхоналарнинг иқтисодий хавфсизлигини аниқлаш” ёндашувларини тизимлаштириш натижасида уларнинг иқтисодий куч-қудрати ошиб боради ва барқарор ишлаши таминланади .
Бу ёндашувлардан фойдаланиш натижасида эришилган корхонанинг потенциал ресурсларини таъминлаш, узоқ муддатли иқтисодий хавфсизлика эришишга имкон беради. Юқоридаги ёндашувларни, шартларни ҳисобга олган ҳолда рақобат жараёнида курашиш орқали иқтисодий хавфсизлигини таъминлаш мумкин. Таъкидлаш жоизки, умумий хусусиятларга қарамай, иқтисодий тизим ҳар бир корхона хавфсизлиги, моддий-техника ресурслари ва корхона ходимлари патенциал салоҳиятидан тўлиқ фойдаланиш зарур.
Хулоса ўрнида айтадиган бўлсак, корхоналарнинг иқтисодий хавфсизлигини таъминлашнинг асосий омиллари қуйидагилардан иборат:
биринчидан, ҳудуддаги иқтисодий вазиятни, мамлакат, минтақа ва корхонага бўлган таҳдидларни аниқлаш, корхона фаолиятига таъсир кўрсатиши эҳтимоли мавжуд ҳар хил таҳдидларнинг иқтисодий моделини жорий қилиш орқали унинг иқтисодий хавфсизлигини таминлаш мумкин;
иккинчидан, “Корхоналарнинг иқтисодий хавфсизлигини аниқлаш” ёндашувларини тизимлаштириш орқали амалга ошириш ва хавф-хатарларга қарши кураш тизимини ишлаб чиқиш мақсадга мувофиқдир;
учинчидан, иқтисодий хавфсизликнинг самарали тизимини яратиш хўжалик юритувчи субъектларнинг хавфсизлик омилларини баҳолаш ва мажмуини яратиш ҳисобланади;
тўртинчидан, ташқи ва ички хатарлар олдини олиш ёки уларнинг таъсирини камайтириш воситаси сифатида қўлланиладиган чора-тадбирлар корхонанинг иқтисодий хавфсизлиги тизимининг асосий мезони бўлиши лозим.
Шундай қилиб, иқтисодий хавфсизлик таьминлашда – бошқариш қобилияти хавф-хатар омилларидан, таҳдидлардан, шу жумладан, ички заифликларга, етарли даражада жавоб бериш ва ресурсларни самарали ишлашини таъминлаш орқали ҳам иқтисодий хавфсизликни таъминлаш мумкин.

Бухгалтернинг асосий функционал мажбуриятларига қуйидагилар киради:

• 
  ҳисобнинг юклатилган тегишли объектларига оид ҳужжатларни тўғри ва ўз вақтида расмийлаштирилиши, тикилиши ва сақланишини таъминлаш;
  
• 
  юклатилган объект бўйича аналитик ва синтетик ҳисоб регистрларини ўз вақтида очилиши, юритилиши ва ёпилишини таъминлаш;
  
• 
  бош бухгалтерга юклатилган объектларга оид ахборотларни баланс ва ҳисоботнинг бошқа шаклларини ўз вақтида тўғри тузиш учун тақдим этиш ва бошқалар.