Buni hamma bilishi kerak

O‘ZBEKISTON RESPUBLIKASI VAZIRLAR MAHKAMASI ijro etuvchi hokimiyatni amalga oshiradi.
O‘zbekiston Respublikasi Bosh vaziri, hukumat rahbari – Aripov Abdulla Nigmatovich
O‘zbekiston Respublikasi Oliy va o‘rta maxsus ta’lim vaziri – Toshqulov Abduqodir Hamidovich
SPIKER – O‘zbekiston Respublikasi Oliy Majlisining Qonunchilik palatasi (quyi palata) raisi. Qonunchilik
palatasi Spikeri Nuriddin Ismoilov
Oliy Majlisning Senati (yuqori palata) raisi Tanzila Narbayeva
Senator – O‘zbekiston Respublikasi Oliy Majlisining Senat a’zosi.
Deputat – O‘zbekiston Respublikasi Oliy Majlisining Qonunchilik palatasi, viloyat va tuman (shahar) deputatlar
Kengashi a’zosi.
PROKURATURA
O‘zbekiston Respublikasining hududida qonunlarning aniq va bir xilda bajarilishi ustidan nazoratni O‘zbekiston
Respublikasining Bosh prokurori va unga bo‘ysunuvchi prokurorlar amalga oshiradi.

---

O‘ZBEKISTON RESPUBLIKASI DAVLAT BAYROG‘I
Davlatning ramziy belgilaridan biri bo‘lmish Davlat bayrog‘i maxsus qonun bilan belgilangan yoki
Konstitutsiya asosida rasmiylashtiriladi.
O‘zbekiston Respublikasi Davlat bayrog‘i 1991-yil 18-noyabrda Oliy Kengashning VII sessiyasida
tasdiqlangan. Davlat bayrog‘ining uzunligi – 250 sm, kengligi – 125 sm.
O‘ZBEKISTON RESPUBLIKASI DAVLAT GERBI
Davlat gerbi – davlat ramzi, davlatning milliy, siyosiy, iqtisodiy hususiyatlari hamda ijtimoiy va davlat tuzumi,
geografik va boshqa belgilarini shartli ravishda ifodalaydigan tamg‘a-belgi.
O‘zbekiston Respublikasining Davlat gerbi Oliy Kengashning X sessiyasida 1992-yil 2-iyul kuni tasdiqlangan.
O‘ZBEKISTON RESPUBLIKASI MILLIY VALYUTASI
O‘zbekiston Respublikasi Prezidentining 1994-yil 16-iyundagi «O‘zbekiston Respublikasi milliy
valyutasini muomalaga kiritish to‘g‘risida»gi Farmoniga ko‘ra so‘m tarixda birinchi bor 1994-yil 1-iyulidan pul
muomalasiga kiritildi.