IV. Bosqich. Jadvaldan tashqari ko`paytirish va bo`lish hollarini o`rganishda dastlab sonni yig`indiga va yig`indini songa ko`paytirish hollari, ya'ni ko`paytmaning yig`indiga nisbatan taqsimot qonuni, keyinroq esa yig`indini songa bo`lish xossasi qaraladi. Bu esa bir va 2 xonali sonlarga ko`paytirish usulini o`rganish uchun asos bo`lib xizmat qiladi. Bu usullar bilan tanishtirish uchun quyidagi rasmdan foydalanish mumkin.
Bunda o`quvchilar har bir qatorda hammasi bo`lib (3+2) ta doira berilganini qatorlar esa 4 ta ekanini aniqlashadi. 4 ta qatorda hammasi bo`lib (3+2)x 4 ta doiracha bor. Shu rasmga asoslanib, boshqa usuldan foydalanish mumkin: oldin oq doiralar qancha ekanini (3x4), so`ngra qora doiralar qancha ekanini (2x4) va nihoyat hamma doiralar qancha ekanini bilishadi.
Do'stlaringiz bilan baham: |
