Chirchiq davlat pedagogika universiteti gumanitar fanlar fakulteti

Darsning bosqichlari: Mavzu: Yaxshilik yo‘lida hamkorlik


Darsning borishi.

T/R	Bo’limlar		Vaqti
1	Tashkiliy qism		3 daqiqa
2	O`tgan mavzuni mustahkamlash		5 daqiqa
3	Yangi mavzu bayoni		15 daqiqa
4	Yangi mavzuni mustahkamlash		1O daqiqa
5	O`quvchilarni rag`batlantirish. Darsni yakunlash.		1O daqiqa
6	Uyga vazifa		2 daqiqa
Jami		45 daqiqa

I. Tashkiliy qism: Salomlashish, navbatchi axboroti, sinf va o`quvchilarning darsga tayyorgarligi tekshiriladi, o`quvchilar ehtiyojlari aniqlanadi.
II. O`tilgan mavzuni mustahkamlash. O`tilgan mavzu yuzasidan suhbat, savol-javob o`tkaziladi. O`tilgan mavzuga oid savol va topshiriqlar yozilgan kartochkalar tarqatiladi. O`quvchilar topshiriqlarni bajarib, o`tilgan mazuni qismlarga bo`lib gapirishadi, xulosa chiqarishadi, o`qituvchi tomonidan umumlashtiriladi.
III. Yangi mavzu bayoni.
Aqlni charxlash uchun savol va topshiriqlar
1. Hamkorlik deganda nimani tushunasiz?
2. Siz do‘stlaringiz bilan nima maqsadda hamkorlik qilasiz?
3. Yaxshilik qilish uchun hamkorlik qilish shartmi?
4. Siz maktabdosh do‘stlaringiz bilan hamkorlikda qanday tadbirlarda ishtirok etgansiz? Bu tadbirlar sizga nima berdi? Qanday taassurotlarga ega bo‘ldingiz?
5. Mahallangizda hamkorlikda qanday ishlar amalga oshiriladi?
HAMKORLIKNING SIRI
Bir kompaniyada 40 nafar xodim ishlardi. Xodimlarning hammasi yosh va aqlli edi. Lekin bir-birlaridan ma’lumotlarni yashirib, hamkorlik qilmaganlari uchun kompaniyaning daromadi juda tushib ketdi. Kompaniya rahbari uzoq o‘ylab, muammoning ajoyib yechimini topdi. U barchani qiziqarli o‘yin va musobaqalarga boy bayramga taklif qildi.
Kompaniya rahbari xodimlarni pufaklar bilan to‘ldirilgan xonaga olib kirdi. Xona o‘rtasidagi qutida ham shishirilmagan pufaklar bor edi. «Qutidan bittadan pufak olib, shishiring. Uning ustiga ismingizni yozing va xonada qoldirib keting», – dedi kompaniya rahbari. Hamma shartni bajarib, chiqib ketdi. Oradan bir fursat o‘tib, xodimlar pufaklar bilan to‘ldirilgan xonada yana jam bo‘lishdi.
«Endi bu yerdan o‘n daqiqa ichida ismingiz yozilgan pufakni toping. Faqat ehtiyot bo‘ling, kimda-kim biror pufakni yorsa, o‘yindan chetlashtiriladi», – ogohlantirdi rahbar.
Birorta xodim aytilgan vaqtda o‘z ismi yozilgan pufakni topa olmadi. «Nahotki, hech biringiz ismingiz yozilgan pufakni topa olmagan bo‘lsangiz? – rejasi ish berayotganidan xursand rahbarning yuzida tabassum paydo bo‘ldi. – Unday bo‘lsa, shartni o‘zgartiramiz. Endi ustiga ism yozilgan pufakni topib olsangiz, uni nomi yozilgan kishiga uzatib yuborasiz».
Birpasda pufaklar qo‘lma-qo‘l bo‘lib, oradan sanoqli daqiqalar o‘tmasdan har bir xodim qo‘lida o‘zining ismi yozilgan pufak bilan turar edi.
«Endi bir jamoa bo‘lib, hamkorlikda ishlashning ahamiyatini anglab yetgan bo‘lsangiz kerak! Agar o‘zimizda borini bir-birimiz bilan baham ko‘rsak va yolg‘iz emas, birgalikda ishlasak – muammolar hal bo‘lib, ishimizning unumdorligi oshadi», – dedi kompaniya rahbari.
TURNALAR
Bahor faslida o‘lkamizga issiqsevar qushlar uchib kela boshlaydi. Ularga turnalar karvonboshilik qiladi. Turnalarni kuzatganmisiz? Ular burchak shaklida tizilib uchadilar. Nima uchun? Yolg‘iz uchayotgan qushga nisbatan burchak shaklida tizilib u chishda samaradorlik oshadi. Turnalar: «Bitta yo‘nalishni ushlab, jamoa bo‘lib harakatlansak, manzilimizga tez va oson yetamiz. Bir-birimizga yordam bersak, ko‘zlangan natijalarga erishamiz», degan maqsad bilan harakat qiladilar.
Agar turnalar shaklni tark etsa, havo qarshiligiga uchraydi va yolg‘izlikning qiyinchiligini his qiladi. So‘ng darhol avvalgi shakliga qaytadi va to‘dadan madad oladi, kuchi tejaladi, maqsadga erishish osonroq va maroqli bo‘ladi. Turnalarning boshlig‘I charchagach, shaklning oxiriga o‘tadi. Bu payt boshqa turna
yetakchilik qiladi. Turnalar bir-birlarini qo‘llab-quvvatlash uchun «quv-quv» degan ovoz chiqaradilar, bu bilan ular tezlikni bir xilda saqlab qoladilar.
IV. Yangi mavzuni mustahkamlash.O`tilgan mavzu mustahkamlanadi
1. Olgan ma’lumotlaringiz asosida muvaffaqiyatga erishishda yana nimalarga e’tibor berish kerakligini sanang.
2. Nima uchun halollik va to‘g‘rilikni baxt va muvaffaqiyat kaliti deyi shadi? Hayotiy misollar keltiring.
3. Hayot pillapoyalarining har bir pog‘onasini nomlang.
V. O`quvchilarni rag`batlantirish. Darsni yakunlash.
O`quvchilar darsdagi ishtirokiga ko`ra baholanadi. Rag`bat kartochkalari orqali baholanadi.Guruhlar ham umumiy rag`batlantirilib boriladi.
VI. Uyga vazifa Uyga mazifa bugungi mavzuni o`qib kelish, qayta hikoyalashga tayyorlanish, xulasa chiqarish.