Csf016 guruh talabasi

Biometrik autentifikatsiyalashning daktiloskopik tizimi
Biometrik tizimlarning aksariyati identifikatsiyalash parametri sifatida barmoq izlaridan foydalanadi (autentifikatsiyaning daktiloskopik tizimi). Bunday tizimlar sodda va qulay, autentifikatsiyalashning yuqori ishonchliligiga ega. Bunday tizimlarning keng tarqalishiga asosiy sabab barmoq izlari boʼyicha katta maʼlumotlar baʼzasining mavjudligidir. Bunday tizimlardan dunyoda asosan politsiya, turli davlat va baʼzi bank tashkilotlari foydalanadi.
Аutentifikatsiyaning daktiloskopik tizimi quyidagicha ishlaydi. Аvval foydalanuvchi roʼyxatga olinadi. Odatda, skanerda barmoqning turli xolatlarida skanerlashning bir necha varianti amalga oshiriladi. Tabiiyki, namunalar bir–biridan biroz farqlanadi va qandaydir umumlashtirilgan namuna, «pasport» shakllantirilishi talab etiladi. Natijalar autentifikatsiyaning maʼlumotlar bazasida xotirlanadi. Аutentifikatsiyalashda skanerlangan barmoq izi maʼlumotlar bazasidagi «pasportlar» bilan taqqoslanadi.
Barmoq izlarining skanerlari. Barmoq izlarini skanerlovchi anʼanaviy qurilmalarda asosiy element sifatida barmoqning xarakterli rasmini yozuvchi kichkina optik kamera ishlatiladi. Аmmo, daktiloskopik qurilmalarni ishlab chiqaruvchilarning koʼpchiligi integral sxema asosidagi sensorli qurilmalarga eʼtibor bermoqdalar. Bunday tendentsiya barmoq izlariga asoslangan autentifikatsiyalashni qoʼllashning yangi sohalarini ochadi.
Bunday texnologiyalarni ishlab chiquvchi kompaniyalar barmoq izlarini olishda turli, xususan elektrik, elektromagnit va boshqa usullarni amalga oshiruvchi vositalardan foydalanadilar.
Skanerlardan biri barmoq izi tasvirini shakllantirish maqsadida teri qismlarining sigʼim qarshiligini oʼlchaydi. Masalan, Veridicom kompaniyasining daktiloskopik qurilmasi yarim-oʼtkazgichli datchik yordamida sigʼim qarshiligini aniqlash orqali axborotni yigʼadi. Sensor ishlashining printsipi quyidagicha: ushbu asbobga quyilgan barmoq kondensator plastinalarining biri vazifasini oʼtaydi (2-rasm). Sensor sirtida joylashgan ikkinchi plastina kondensatorning 90000 sezgir plastinkali kremniy mikrosxemasidan iborat. Sezgir sigʼim datchiklari barmoq sirti doʼngliklari va pastliklari orasidagi elektrik maydon kuchining oʼzgarishini oʼlchaydi. Natijada doʼngliklar va pastliklargacha boʼlgan masofa aniqlanib, barmoq izi tasviri olinadi.

Integral sxema asosidagi sensorli tekshirishda AuthenTec kompaniyasida ishlatiluvchi usul aniqlikni yana ham oshirishga imkon beradi.

Qator ishlab chiqaruvchilar biometrik tizimlarni smart-kartalar va karta–kalitlar bilan kombinatsiyalaydilar.
Integral sxemalar asosidagi barmoq izlari datchiklarining kichik oʼlchamlari va yuqori boʼlmagan narxi ularni himoya tizimi uchun ideal interfeysga aylantiradi. Ularni kalitlar uchun breloklarga oʼrnatish mumkin. Natijada foydalanuvchi kompьyuterdan boshlab to kirish yoʼli, avtomobillar va bankomatlar eshiklaridan himoyali foydalanishni taʼminlaydigan universal kalitga ega boʼladi.
Qoʼl panjasining geometrik yondashish “kim bu kim” ekanligini aniqlash jarayonini soddalashtirishga imkon beradi. Daktiloskopik skanerlar va ovozni aniqlovchi qurilmalardan foydalanish xodimlarni tarmoqqa kirishlarida murakkab parollarni eslab qolishdan xalos etadi. Qator kompaniyalar korxona masshtabidagi bir martali autentifikatsiya SSO (Single Sign-On) ga biometrik imkoniyatlarni integratsiyalaydilar. Bunday biriktirish tarmoq maʼmurlariga parollarni bir martali autentifikatsiyalash xizmatini biometrik texnologiyalar bilan almashtirishga imkon beradi. Shaxsni biometrik autentifikatsiyalashning birinchilar qatorida keng tarqalgan sohalaridan biri mobil tizimlari boʼldi. Muammo faqat kompьyuter oʼgʼirlanishidagi yoʼqotishlarda emas, balki axborot tizimining buzilishi katta zararga olib kelishi mumkin. Undan tashqari, noutbuklar dasturiy bogʼlanish (mobil kompьyuterlarda saqlanuvchi parollar yordamida) orqali korporativ tarmoqdan foydalanishni tez-tez amalga oshiradi. Bu muammolarni kichik, arzon va katta energiya talab etmaydigan barmoq izlari datchiklari yechishga imkon beradi. Bu qurilmalar mos dasturiy taʼminot yordamida axborotdan foydalanishning mobil kompьyuterda saqlanayotgan toʼrtta satxi - roʼyxatga olish, ekranni saqlash rejimidan chiqish, yuklash va fayllarni deshifratsiyalash uchun autentifikatsiyani bajarishga imkon beradi.
Foydalanuvchini biometrik autentifikatsiyalash maxfiy kalitdan foydalanishni modul koʼrinishida shifrlashda jiddiy ahamiyatga ega boʼlishi mumkin. Bu modul axborotdan faqat xaqiqiy xususiy kalit egasining foydalanishiga imkon beradi. Soʼngra kalit egasi oʼzining maxfiy kalitini ishlatib xususiy tarmoqlar yoki Internet orqali uzatilayotgan axborotni shifrlashi mumkin.

Biometrik autentifikatsiyalashning daktiloskonik tizimi.

Yuzning tuzilishi va ovoz boʼyicha autentifikatsiyalovchi tizimlar.
Ovoz boʼyicha autentifikatsiyalash tizimlari.
Koʼz yoyi toʼr pardasining shakli boʼyicha autentifikatsiyalash tizimining geometrik shakli boʼyicha autentifikatsiyalash tizimlari. Qoʼl panjasi shaklini oʼquvchi qurilmalar barmoqlar uzunligini, qoʼl panja qalinligi va yuzasini oʼlchash orqali qoʼl panjasining hajmiy tasvirini yaratadi. Masalan, Recognition Systems kompaniyasining mahsulotlari 90 dan ortiq oʼlchamlarni amalga oshiradi. Natijada keyingi taqqoslash uchun 9-xonali namuna shakllantiriladi. Bu natija qoʼl panjasini individual skanerida yoki markazlashtirilgan maʼlumotlar bazasida saqlanishi mumkin. Qoʼl panjasini skanerlovchi qurilmalar narxining yuqoriligi va oʼlchamlarining kattaligi sababli tarmoq muhitida kamdan-kam ishlatilsada, ular qatʼiy xavfsizlik rejimiga va shiddatli trafikka ega boʼlgan hisoblash muhiti (server xonalari ham bunga kiradi) uchun qulay hisoblanadi. Ularning aniqligi yuqori va inkor koeffitsienti yaʼni inkor etilgan qonuniy foydalanuvchilar foizi kichik.