D tashmuxamedova

qaytarish yoki hisobga olishda xulosasi shakli
45
 
Ortiqcha yoki noto‘g‘ri to‘langan bojxona to‘lovlarining qaytarilishi 
bojxona to‘g‘risidagi qonun hujjatlarida belgilangan tartibda amalga oshiriladi. 
Alohida hollarda, agar 30 kun mobaynida joriy tushumlarning yetishmasligi 
yoki mavjud bo‘lmaganligi sababli qaytarish yoki hisobga olish imkoniyati 
bo‘lmasa, qaytarish yoki hisobga olish Moliya vazirligining yozma xulosasiga 
ko‘ra tegishli byudjetning shaxsiy g‘azna hisobvarag‘idan amalga oshirilishi 
mumkin. 
Ortiqcha yoki noto‘g‘ri to‘langan to‘lovlarni tegishli byudjetning shaxsiy 
g‘azna hisobvarag‘idan qaytarish yoki hisobga olishda qaytarilgan yoki hisobga 
olingan summalar xarajatlarda aks ettirilmaydi, O‘zbekiston Respublikasi Davlat 
byudjeti yoki DMJ daromadlari ortiqcha yoki noto‘g‘ri to‘langan daromad turi 
bo‘yicha qaytarish yoki hisobga olish summasiga kamaytiriladi. 
Byudjet tashkilotlarining joriy moliya yilida byudjet yoki byudjetdan 
tashqari 
mablag‘lari hisobiga to‘langan to‘lovlari summasi byudjet 
tashkilotining to‘lov amalga oshirilgan shaxsiy g‘azna hisobvarag‘iga 
qaytariladi. Bunda byudjet tashkilotining tegishli shaxsiy g‘azna hisobvarag‘ida 
joriy moliya yilining kassa xarajatlarining tiklanishi bo‘yicha operatsiya aks 
ettiriladi. 
Agar byudjet tashkiloti tomonidan o‘tgan moliya yilida byudjet 
mablag‘lari hisobiga to‘langan to‘lov summasi qaytarilayotgan bo‘lsa, u holda 
45
O‘zbekiston Respublikasi Adliya vazirligida 2016-yil 30-martda 2771-son bilan ro‘yxatga olingan 
O‘zbekiston Respublikasi Moliya vazirligi, Davlat soliq qo‘mitasi va Davlat bojxona qo‘mitasining 
2016-yil 24-martdagi 20, 2016-14, 01-02/8-10-sonli qarori asosida.

---

129 
mablag‘lar byudjetdan tashqari mablag‘lar bo‘yicha (4004 mablag‘lar manbasi 
bilan) shaxsiy g‘azna hisobvarag‘iga, kelgusida qaytarilgan to‘lov summasini 
tegishli daromad shaxsiy g‘azna hisobvarag‘iga o‘tkazish hamda tushgan to‘lov 
summasini tegishli byudjet daromadiga taqsimlash orqali qaytariladi. 
Agar byudjet tashkiloti tomonidan o‘tgan moliya yilida byudjetdan 
tashqari mablag‘lar hisobiga to‘langan to‘lov summasi qaytarilayotgan bo‘lsa, u 
holda mablag‘lar byudjet tashkilotining tegishli byudjetdan tashqari shaxsiy 
g‘azna hisobvarag‘iga qaytariladi. Bunday holatda, qaytarilgan to‘lov summasi 
byudjet tashkilotining joriy yildagi byudjetdan tashqari jamg‘armasi tushumi 
manbasi sifatida aks ettiriladi, byudjet tashkilotining o‘tgan moliya yilidagi 
kassa xarajatlari esa tiklanmaydi. 
To‘lovchilarga to‘lovlar qaytarilganligi yoki hisobga olinganligini 
tasdiqlovchi to‘lov topshiriqnomasi, g‘azna memorial orderi va boshqa to‘lov 
hujjatlari har kuni elektron tarzda "O‘RMV" ATdan soliq va boshqa majburiy 
to‘lovlarni undirish bo‘yicha vakolatli organlarning tegishli axborot tizimlariga 
taqdim etiladi. 
 O‘zbekiston respublikasi davlat byudjeti va dmj byudjetlariga kelib 
tushgan to‘lovlardan ajratmalarni hisobga olish kitobi yuritiladi. 
O‘zbekiston Respublikasining respublika byudjeti, Qoraqalpog‘iston 
Respublikasining respublika byudjeti, viloyatlarning viloyat byudjeti, Toshkent 
shahrining shahar byudjeti, tuman va shahar byudjetlari, DMJ byudjetlariga 
ajratma qilingan to‘lovlar hisobini yuritish uchun "O‘RMV" ATning 
"Daromadlarni boshqarish" modulida har yili To‘lovlardan ajratmalarni hisobga 
olish kitobi yuritiladi. To‘lovlardan ajratmalarni hisobga olish kitobi Davlat 
byudjeti hamda DMJ byudjetlari tarkibiga kiruvchi har bir byudjet uchun 
alohida ochiladi va yuritiladi. To‘lovlardan ajratmalarni hisobga olish kitobida 
to‘lovlar hisobi O‘zbekiston Respublikasi Davlat byudjeti daromadlarining 
byudjet tasnifiga muvofiq yuritiladi. To‘lovlardan ajratmalarni hisobga olish 

---

130 
kitobida YaG‘Hga kelib tushgan, To‘lovlar kontingentini hisobga olish kitobida 
aks ettirilgan, byudjet tizimining tegishli byudjetiga taalluqliligini aniqlash va 
byudjet tizimi byudjetlari o‘rtasida taqsimlash tartib-taomillaridan o‘tgan, 
shuningdek O‘zbekiston Respublikasining respublika byudjeti, Qoraqalpog‘iston 
Respublikasining respublika byudjeti, viloyatlarning viloyat byudjeti, Toshkent 
shahrining shahar byudjeti, tuman va shahar byudjetlari, DMJ byudjetlari 
shaxsiy g‘azna hisobvaraqlarida aks ettirilgan to‘lovlar summasi aks ettiriladi. 
To‘lovlardan ajratmalarni hisobga olish kitoblarida kelib tushgan 
to‘lovlarning hisobi to‘lovlar turi va byudjet tizimi byudjetlarining shaxsiy 
g‘azna hisobvaraqlariga o‘tkazilgan sanalari bo‘yicha yuritiladi.