Дарслик тошкент – 2021 Юсупов С. Б., Исаева Ф. Б. Давлат хизмати

10. Қандай асосларга кўра давлат божхона органларидан бўшатилган ходимлар хизматга қайта қабул қилиниши мумкин?
А) Бошқа турдаги давлат хизматига (кадрларнинг амалдаги захирасига киритилмасдан) ўтганлиги учун; Ўзбекистон Республикаси фуқаролиги тугатилганлиги ёки чет давлат фуқаролигини олганлиги учун; ходимларга қонун ҳужжатларида белгиланган чеклов ва тақиқларга риоя этмаганлиги учун.
Б) божхона органи ходимининг шаънига путур етказувчи хатти-ҳаракатлар содир этганлиги учун;
жинояти учун суднинг ҳукми, ажрими, қарори қонуний кучга кирганидан кейин ҳукм қилинганлиги сабабли;
ходимда интизомий жазо чораси мавжуд бўлгани ҳолда, мунтазам равишда хизмат интизомини бузганлиги учун;
С) ўзининг хоҳишига кўра (пенсия олиш ҳуқуқини берадиган хизмат муддатини ўтамаганларга) — ходимнинг билдиргиси асосида; дастлабки синов муддати давомида хизматга яроқсизлиги сабабли; малакаси етарли эмаслиги оқибатида эгаллаб турган лавозимига нолойиқлиги — аттестация натижалари асосида; хизмат интизомини бир марта қўпол равишда бузганлиги учун;
Д) пенсия олиш ҳуқуқини берадиган хизмат муддатини ўтаганлиги — ходимнинг билдиргиси асосида; ташкилий-штат ўзгаришлари муносабати билан; соғлиғининг чекланганлиги ҳолати бўйича — ички ишлар органлари ҳарбий-тиббий комиссиясининг хизматга яроқлилиги чекланганлиги тўғрисидаги ва хизмат бўйича бошқа лавозимга ўтказиш имконияти мавжуд бўлмаган тақдирда, эгаллаб турган лавозимига мувофиқ хизмат мажбуриятларини бажара олмаслиги ҳақидаги хулосаси асосида.


ГЛОССАРИЙ


АРИЗА – фуқароларнинг ўз ҳуқуқлари, эркинликлари ва қонуний манфаатларини амалга оширишда ёрдам кўрсатиш тўғрисидаги илтимоси баён этилган мурожаати.
АТТЕСТАЦИЯ – хизматчиларнинг профессионал, ишчанлик ва шахсий хислатларига баҳо бериш, унинг хизмат-лавозим талабларига мос келишини текшириш.
БОШҚАРУВ УСЛУБИ – давлат бошқаруви фаолиятининг мақсадларига эришиш, вазифаларини бажариш ва функцияларини амалга ошириш учун фойдаланиладиган ҳуқуқий воситалар.