Давлат солиқ хизмати органлари мансабдор

83-савол. Солиқ органларининг асосий ҳуқуқларини айтиб беринг.
Жавоб: Солиқ органлари қуйидагиларга ҳақли: 
солиқ тўловчилардан ва учинчи шахслардан солиқларни ва йиғимларни 
ҳисоблаб чиқариш ҳамда тўлаш учун зарур бўлган ҳужжатлар ва 
маълумотларни (ахборотни), шу жумладан электрон тарзда тақдим этишини 
талаб қилиш; 
-ушбу Кодексда белгиланган тартибда солиқ текширувлари ва бошқа 
солиқ назорати тадбирларини ўтказиш; 
-ҳудудни, ишлаб чиқариш, омборхона, савдо биноларини ва бошқа 
биноларни, шу жумладан солиқ тўловчи даромад олиш учун фойдаланадиган 
ёки солиқ солиш объектларини сақлаш билан боғлиқ жойларни кўздан 
кечириш; 
-мол-мулкни инвентаризaция қилиш ва бажарилган ишлар, кўрсатилган 
хизматларнинг назорат ўлчовларини ўтказиш; 
-қонунчиликда назарда тутилган ҳолларда кассани ва товар-моддий 
бойликлар ҳамда ҳужжатлар сақланадиган жойларни икки кундан ортиқ 
бўлмаган муддатга, икки кундан ортиқ муддатга эса, суд қарори бўйича 
муҳрлаш; 
солиқларни ва йиғимларни ҳисоблаб чиқариш билан боғлиқ 
ҳужжатларни ва электрон ахборот жисмларини олиб қўйиш; 
фото ва видеотасвирга тушириш, тушунтиришлар ҳамда бошқа 
маълумотларни олиш; 
таржимонни, экспертни жалб этиш ва экспертиза тайинлаш; 

---

20 
солиқ тўловчи ҳисоб ҳужжатларини йўқотган ёки йўқ қилган ҳолларда 
солиқ тўловчи тўғрисидаги ўзида мавжуд ахборот, шунингдек бошқа шу каби 
солиқ тўловчилар тўғрисидаги маълумотлар асосида солиқлар суммасини 
ҳисоб-китоб орқали мустақил равишда аниқлаш; 
84-савол. Фойдаланилмаётган объектларга мол-мулк ва ер солиғи 
қандай ставкада қўлланилади?
Жавоб: Муддатида тугалланмаган қурилиш объектлари, бўш бино, 
яшаш учун мўлжалланмаган иншоот, ишлаб чиқариш майдонларининг 
50%дан кўпроғидан фойдаланилмаган бўлса, бўш турган объект ва 
фойдаланилмаётган ишлаб чиқариш майдони сифатида эътироф этилади. 
Бундай объектлар мулкдорига мол-мулк ва ер солиғи ўрнатилган 
ставкага нисбатан оширилган ставкада ҳисобланади.
Бунда:
3 ойга қадар 2 баравар;
3 ойдан сўнг 5 баравар;
6 ойдан сўнг 10 баравар;
12-ойдан бошлаб келгуси ҳар 12 ойда охирги ошириб қўлланилган 
миқдорнинг 2 бараварида ҳисобланади.
Фойдаланилмаётган объект ишга туширилганда таъсирчан механизм 
натижасида охирги 12 ой учун ҳисобланган солиқ суммаси мулкдорга 
қайтарилади.