Denov tadbirkorlik va pedagogika instituti tadbirkorlik va boshqaruv fakulteti raqamli iqtisodiyot kafedrasi

Mavzu: Qiymat miqdori va hajmiga ta’sir etuvchi omillar
M U N D A R I J A
Kirish………………………………………………………………………………..4
I- bob. Tovar xo`jaligining paydo bo`lishi va tovarning xususiyatlari………………6
1.1. Tovar xo`jaligining paydo bo`lish……………………………………………….6
1.2. Tovarning xususiyatlari………………………………………………………….9
II-bob.Qiymat miqdori va qiymatning mehnat nazariyasi………………………….13
2.1. Qiymat tushunchasining uslubiy muamolari va mehnat nazariyasi……………13
2.2.Qiymatning mehnat nazariyasi…………………………………………………22 Xulosa………………………………………………………………………………25
Foydalanilgan adabiyotlar ………………………………………………………….26
Kirish
Mavzuning dolzarbligi. Tarixan shunday bo‘lib qolganki, ko‘pgina mamlakatlarda, jumladan,bizning mamlakatimizda ham qishloq xo‘jaligidagi kapitalning uzviy tuzilishi sanoatdagidan pastdir. Shuning uchun qishloq xo‘jaligida yaratilgan tovarlarning bozor qiymati, ishlab chiqarishning ijtimoiy qiymatidagi qo‘shimcha qiymat miqdori jamiyatda shakllangan o‘rtacha foydadan ortiq bo‘ladi. Qishloq xo‘jalik tovarlarining bozor narxi bilan ijtimoiy ishlab chiqarish narxi o‘rtasidagi bu tafovut absolyut renta manbai bo‘lib xizmat qiladi.
Kishilarning ehtiyoji ilmiy va hayotiy tushuncha bo’lib, iqtisodiy taraqqiyotning barcha bosqichlarida amal qilib kelmoqda, chunki bu tushuncha kishilarning hayotiy vositalarga bo’lgan zaruriyatini bildiradi. Ehtiyojning bozor iqtisodiyoti sharoitidagi ko’rinishi va amal qilishi talabdir. Lekin talab ehtiyojdan farq qiladi va mustaqil iqtisodiy kategoriya (ilmiy tushuncha) sifatida amal qiladi.Uning farqi shundan iboratki, kishilarning ehtiyoji o’sib boraveradi, cheksizdir. U pul bilan ta‘minlansa va sotib olish kurbiga ega bo’lgan taqdirda talabga aylanadi.