7. Инглиз тилидаги сериал ва фильмларни субтитрлари билан томоша қилинг
Тил ўрганишнинг яна бир самарали йўли инглиз тилидаги сериалларни кадр остидаги ёзувлари билан биргаликда томоша қилишдир. Бу чет тилини эшитиб тушунишга, янги сўзларнинг ёзилишини ва тўғри талаффузини эгаллашга хизмат қилади.
Уларни ҳам ўз билим даражангизга қараб танлаб олишингиз мумкин. Интернет тармоғида инглиз тилидаги фильм ва сериалларга мўлжалланган сайтлар керагидан ортиқ. Биз бошланишига қуйидагиларни тавсия этамиз:
Ororo (https://ororo.tv/en);
Show-English (https://show-english.com/);
Lingualeo (https://lingualeo.com/).
8. Севимли қўшиқчингиз билан биргаликда куйланг
Қўшиқлар — тил ўрганишнинг ажойиб воситаси. Севимли қўшиқчи ёки гуруҳ билан биргаликда куйлаб сўз ёдлаш, мазмунни тушуниш ва талаффузни ўстириш мумкин.
Ушбу сайтларда жуда кўп қўшиқлар матнларини учратишингиз мумкин:
Online Teachers UK (https://onlineteachersuk.com/learn-english-with-songs-music/);
Lyrsense (https://en.lyrsense.com/);
Native English (https://www.native-english.ru/).
Шунингдек, Shazam дастуридан ҳам фойдала оласиз. У нафақат қўшиқларни излаб беради, балки сизга сўзларни тақдим этиб, ижрочи билан куйлаш имкониятини яратади.
Хулоса
Тил ўрганишнинг асоси тизимлиликдан иборат. Одатларингизни биз ўргатгандай ўзгартиринг ва тез орада унинг самарасини пайқайсиз. Сўз бойлигингиз, талаффуз қобилиятингиз ва тинглаб тушунишга оид билимларингиз ошиши кафолатланган. Қолаверса, бу тавсиялар катта вақт ва куч талаб этмайди.
Do'stlaringiz bilan baham: |
